Artes Escénicas en loita

Citizen fíxose cos premios ao mellor espectáculo, mellor director (Xesún Ron), mellor actriz (Patricia de Lorenzo) e outros dous galardóns. E a traxectoria da propia Sala Nasa foi homenaxeada co Marisa Soto, nunha gala que tamén recoñeceu a Avelino González cos premios ao mellor texto e á mellor adaptación. Os recortes económicos estaban no ambiente e houbo referencias constantes pero sutís á falta de apoio público. Xesús Ron chamou a "tender pontes á sociedade" e á "facer teatro xuntos". Galería e audios no interior.

Este martes entregaranse os Premios María Casares do Teatro. Avelino González, por Pelos na lingua; Xesús Ron, por Citizen, e Xulio Lago, por E.R. (algún día traballaremos xuntas) son os tres finalistas na categoría á mellor dirección. Praza xuntounos en Compostela para tentar realizar unha radiografía do sector teatral nestes tempos de crise, recortes e despois dunha celebración do Día Mundial do Teatro caldeado pola destitución da ex directora do Centro Dramático Galego (CDG).

Os traballadores e traballadoras das artes escénicas denunciaron o abandono do sector, atrasos nos pagamentos e pediron un plan de futuro para a cultura en Galicia, nunha manifestación que percorreu as rúas de Compostela e rematou nas portas do Salón Teatro.

"Fasero censura a voz da cultura", "Fasero dimisión", "CDG, solución xa", "censura tras censura, ensaiando a ditadura", "O teatro é noso, non dos morosos". Esas foron algunhas das consignas que hoxe ecoaron polas rúas de Compostela no transcurso da marcha convocada pola recén nacida Plataforma das Artes Escénicas. Centos de profesionais do sector secundaron a "mani-festa-acción" convocada para celebrar o Día Internacional do Teatro na que se reivindicou a importancia cultural das artes escénicas e se denunciaron as súas dificultades.

A xa ex directora do Centro Dramático Galego asegura que a súa destitución se produce por acceder ao que o Día do Teatro se celebrase no Salón Teatro de Santiago. "Fasero díxome que non debín facelo, que era un acto reivindicativo. Non entendo a explicación. É improcedente. É o día do Teatro e a xente do teatro ten que estar no teatro", asegura Cendán.

Os traballadores e traballadoras do teatro, a danza e o circo en Galicia chaman a unha mobilización en Compostela, coincidindo co Día Mundial do Teatro. Reivindican o dereito da cidadanía á cultura, e a dignificación do seu traballo, nun sector que emprega máis de dúas mil persoas no noso país.

Roberto Varela tomará posesión o próximo 23 de abril como embaixador en Uruguai. O ex conselleiro de Cultura e Turismo, que apura as súas últimas semanas en Galicia, bota a vista atrás para Praza nunha ampla entrevista na que revisa a súa xestión, responde as críticas e as polémicas que o rodearon, fura na Cidade da Cultura e opina sobre os sectores culturais.

Tras o peche da sala Nasa en Compostela, Galicia segue a estar, polo momento, nos circuítos estatais da expresión teatral contemporánea. E é grazas, principalmente, a Vigo. O Ensalle é, neste momento, a única iniciativa que se mantén en pé, nese concepto de sala con programación estable de creación alternativa. Tamén hai que falar de Teatro Arte Livre, ou A Artística, sen ser con exactitude o mesmo tipo de proxecto.

A Ópera dos tres reás (CDG) e Citizen (Chévere) acadan oito nomeamentos, por seis de Oeste Solitario (Excéntricas) e tres de O Florido Pénsil (Eme2). Estas tres últimas son as candidatas á mellor obra galega do ano. Os premios entregaranse o vindeiro 3 de abril no Teatro Rosalía de Castro da Coruña.

Chévere múdase a Teo, unha mudanza obrigada despois do peche da Sala Nasa tras a vitoria de Conde Roa nas eleccións municipais en Compostela. Alí preparan xa o seu novo espectáculo, que se estreará a finais de abril, Amores Prohibidos 2.0, unha versión de Romeo e Xulieta que toma vida dentro e fóra dos escenarios, grazas ás redes sociais, e co conflito lingüístico como pano de fondo.

“Entre a débeda de Agadic, os recortes e a falta de perspectivas de traballo, o que nos queda é marchar para a casa. É totalmente imposible manter o circuíto de consumo teatral actual”. Así de contundente se amosa, na súa análise da situación actual das artes escénicas en Galicia, o presidente da Asociación de Actores e Actrices de Galicia, (AAAG), Antonio Durán ‘Morris’.