Tras o apoio maioritario ao preacordo o persoal de ambas factorías centra as mobilizacións en esixir aos gobernos galego e central que se impliquen na procura dun comprador. As vindeiras protestas serán na Coruña e nos portos de Vigo e Vilagarcía
O preacordo prevé manter a actividade ata o 30 de xuño, prazo no que as administracións buscarán un investidor ou proxectos alternativos. No caso de non habelos, a empresa --que investirá 40 millóns nas fábricas se chega un comprador-- di dar solución a máis da metade do persoal. O Goberno non garante o mantemento do 100% dos postos.
Unhas 3.500 persoas maniféstanse contra as intencións da multinacional. Os traballadores piden a Pedro Sánchez que deixe "o postureo" e actúe xa, coa intervención ou a busca dun investidor, a só úns días de cumprirse o prazo que deu a empresa para aceptar a súa última oferta.
Os traballadores rexeitan un plan que inclúe prexubilacións, maiores indemnizacións das previstas e algunhas recolocacións por non contemplar proxecto viable ningún para manter a actividade e o emprego.
A multinacional ofrece só parar de forma ordenada a electrólise nas plantas e evitar a detención total da actividade, que imposibilitaría calquera venda. A empresa non retira o ERE, facilitado pola reforma laboral de Rajoy, que permite aplicalo sen o visto e prace da autoridade laboral.
Goberno central, Xunta e Principado presentan un documento de mínimos a Alcoa no que lle piden paralizar o ERE e seis meses para negociar alternativas ao peche logo dunha longa xuntanza que se retoma este mércores.
O persoal da alumineira afronta unha xornada clave a sete días de que remate o prazo de negociación de ERE e comecen os despedimentos. Unha mobilización en Madrid pide ao Estado que reaccione e interveña as factorías de non haber opción.
Os representantes do persoal e a empresa pactan ampliar o período de negociación do ERE vinte días máis nunha tensa reunión en Madrid. Os traballadores gañan tempo para evitar os despedimentos e buscar alternativas ao peche.
Traballadores das plantas en Galicia e Asturias conflúen nunha marcha e reclaman á multinacional que amplíe o período de consultas do ERE e ao Executivo que actúe xa. "Non imos permitir que se deixe caer isto como se está a deixar caer"
Asegura que as iniciativas son "a seis meses" e que as plantas da Coruña e Avilés, ameazadas de peche "non teñen tanto tempo". Traballadores das factorías galega e asturiana convocan unha folga e mobilizacións conxuntas para o vindeiro día 19.
Os 369 traballadores da planta da Coruña están convocados a un paro dun día desde as dez da noite deste xoves. Parte deles participarán nunha mobilización ante a factoría da empresa en San Cibrao.
A xustiza dos Países Baixos rexeita a demanda de paralizar o expediente e a multinacional advirte agora de que "escoitará e analizará" ofertas para a venda das dúas factorías ameazadas co peche.