As reivindicacións do 8 de marzo intensifícanse coas protestas contra a reforma da lei do aborto, que confluirán este domingo nunha manifestación nacional en Compostela "polos dereitos sexuais e reprodutivos" que pretende ser unha "resposta masiva" a Gallardón.
A secretaria xeral de Igualdade eloxia o "debate" sobre a interrupción voluntaria do embarazo por ser "enriquecedor" pero repróchalle ao BNG que pregunte "reiteradamente" sobre o tema para tentar coñecer a postura do Goberno galego.
O prestixioso Santiago Dexeus encabeza a presentación dun manifesto de profesionais médicos contra o proxecto do Goberno e pídelle aos seus "amigos do PP" que "acudan á intelixencia e non á ideoloxía ou ás crenzas relixiosas". O manifesto advirte de que a actual lei "funciona" e alertan do posible incremento de abortos inseguros se o proxecto é aprobado.
PSdeG e BNG instan o presidente a rexeitar o proxecto "patriarcal" que o Goberno de España tenta "impoñer" sobre a decisión das mulleres e Feijóo deféndese apelando a Paco Vázquez e a Bildu. No mesmo debate, acusa a AGE de querer "axustizar" os adversarios políticos.
A Plataforma Galega pola Defensa do Dereito ao Aborto rexistra moreas de reclamacións de mulleres que piden que o Valedor as ampare ante a reforma normativa de Gallardón e que lle exixa á Xunta que rexeite a medida.
Varios centos acoden aos Rexistros da Propiedade de Compostela e A Coruña nunha acción reivindicativa que segue á xa realizada hai dúas semanas en Vilagarcía e en protesta pola reforma da lei que prepara o ministro Gallardón.
A Plataforma Galega polo Dereito ao Aborto propón ás mulleres un envío masivo de peticións ao Valedor para que inste a Xunta a que exixa a retirada do proxecto de reforma da lei e que interpoña un recurso de inconstitucionalidade no caso de que se aprobe.
Martha Azul, a artista que impulsou en Galicia o rexistro masivo dos seus corpos por parte das mulleres en protesta pola reforma da lei do aborto, explica a acción e advirte de que "cada vez hai máis xente disposta a protestar".
O PP defende cunha soa voz a contrarreforma da lei do aborto na votación secreta propiciada polo PSOE e atribúe as posturas contrarias a un "feminismo rancio" que sente "animadversión polos homes".
A Plataforma Galega polo Dereito ao Aborto convoca unha manifestación nacional para o vindeiro 9 de marzo e salienta que Feijóo se está a presentar como "poli bo" mentres aplica políticas antiabortistas