Dende 1976 arderon en Galicia máis dun millón e medio de hectáreas de monte. A Xunta prohíbe "ata nova orde" as queimas controladas polas condicións meteorolóxicas tras arderen máis de 150 hectáreas na provincia de Ourense dende a pasada fin de semana.
GRÁFICOS INTERACTIVOS O pasado ano ardeu case o dobre de superficie que en 2015 e foi o segundo peor para o monte galego dende a gran vaga de 2006, aínda que seguiu lonxe das cifras dos anos 80 e 90. Oito grandes incendios, a metade na provincia Ourense, concentraron máis do 50% da superficie ardida no país
Na última semana rexistráronse os lumes de maior tamaño, que sumaron máis de 300 hectáreas. A Xunta só informou dos dez que superaron as 20 hectáreas ou afectaron a espazos protexidos, pero os sindicatos alertan de que foron moitos máis.
A escasa chuvia, as altas temperaturas e as xeadas que secan a vexetación provocan unha importante vaga de incendios desde decembro, sobre todo en Ourense, e xusto cando menos medios hai no monte para a extinción e a prevención: máis de 1.000 traballadores da Xunta menos ca no verán.
Os 436 membros do servizo contra incendios público denuncian a situación dun persoal laboral fixo descontinuo, limitado a traballar só no verán malia as eivas na prevención. Reclaman contratos de nove meses e reforzar os labores no inverno, que suporía un gasto extra de 4,2 millóns á Xunta.
Este ano arderon xa arredor de 22.000 hectáreas, un balance peor que o dos últimos anos pero moito máis favorable que os de décadas anteriores, cando adoitaban arder de 30.000 a 40.000 hectáreas
O lume puxo en risco este luns numerosas vivendas en Baños de Molgas, Cualedro e Sandiás. Neste momento non hai focos activos e todas as situacións de emerxencia foron desactivadas. No que vai de ano arderon xa máis de 16 mil hectáreas en Galicia. Mapa no interior.
A Xunta vén de desactivar a situación 2 por risco para as casas. As lapas queimaron nesta semana maís de 6.000 hectáreas na provincia de Ourense e aínda hai oito incendios máis vivos, aínda que controlados.
Só nos últimos dous días arderon unhas 6.000 hectáreas na provincia de Ourense. O incendio de Entrimo arrasou 2.500 e o de Monterrei achegouse a núcleos habitados e ao propio castelo. Pode ser o peor ano para o monte dende o 2011.
Os máis graves son os de Oímbra (1.500 has) e Muíños (800), que afecta a parte do Parque Natural do Xurés. Tamén se rexistran lumes en Lobios (400), Boborás (500) e Lobeira (50). Medio cento de persoas tiveron que ser desaloxadas das súas casas.
O Consello de Contas vén de publicar un informe no que critica que o Goberno galego destine ao dispositivo de incendios o 60% (uns 100 millóns de euros ao ano) do seu investimento forestal total. O plan prevía dedicar o 87% a mellorar e rendibilizar a xestión forestal.
As dúas últimas semanas do mes son as que máis lumes concentran na última década, con 350 semanais, pero para o mércores prevese auga e baixada das temperaturas.