O presidente da Xunta comeza a súa andaina co Día das Letras Galegas para Florencio Delgado Gurriarán no que defende que "a cordialidade de Galicia tamén é lingüística". "O galego, ademais de ser o idioma propio, pode medirse en pé de igualdade co resto de linguas do mundo", salienta
O pleno da RAG en homenaxe a Delgado Gurriarán lembra o seu compromiso galeguista na II República, o traballo para "salvar" refuxiados tras o golpe do 36 e a súa aposta por un modelo lingüístico "nacional" e "desacomplexado". No seu primeiro Día das Letras na presidencia da Xunta, Rueda foi interpelado pola Academia para "abrir novas vías de colaboración a prol do idioma que nos ocupa e nos preocupa"
Nunha manifestación condicionada pola chuvia, a plataforma lamenta que aos avances para o idioma logrados pola mobilización social non vaian acompañados do "esforzo" da Xunta por "garantir a posibilidade de uso do galego en todo e para todo". Pontón (BNG) sinala que a "nova oportunidade á lingua" debe comezar por "derrogar o decreto da vergoña" e Formoso (PSdeG) chama a "abordar o reto de que o galego sexa transmitido para ser usado pola mocidade"
Cada ano son moitos os recursos e materiais que se publican ao redor da figura homenaxeada no Día das Letras. Tamén nesta ocasión podemos atopar na rede un gran número de pezas audiovisuais sobre o autor exiliado en México. Dende iniciativas de divulgación e actividades realizadas por colexios ata versións country ou metaleiras dos seus versos
Raúl Diz (Os Amigos dos Músicos) publica un álbum no que versiona seis poemas do autor homenaxeado no Día das Letras. O proxecto partiu do seu traballo como mestre de música en Primaria, musicando os textos para traballar co alumnado. Falamos con Arcadio Nóvoa, responsable da discográfica Todomedre, que edita o disco
Henrique Monteagudo, vicesecretario da RAG, advirte das "dinámicas diverxentes" do idioma e dunha situación cada vez máis semellante "á do País Vasco". A recuperación nalgunhas zonas contrasta co gran retroceso noutras e a Academia aposta por unha política lingüística e normalizadora por áreas, con implicación local e obxectivos diferentes segundo o territorio. Repasamos os datos neste Día das Letras Galegas
