O presidente da Xunta pídelles explicacións aos grupos da oposición pola xestión do bipartito ou da Junta de Andalucía mentres evita aclarar a súa relación co presunto conseguidor da suposta trama corrupta, Pachi de Lucas. Mantén que iniciou a denuncia pero destaca, asemade, que a Xunta "se persoou" no proceso, o que implica que o fixo cando xa se iniciara.
Os conservadores vetan a comisión de investigación sobre a presunta rede corrupta, solicitada por AGE e BNG e apoiada polo conxunto da oposición. Tellado, ex xefe de gabinete de Traballo, teima en que a denuncia da trama partiu da Xunta, aínda que a iniciaron dúas traballadoras.
Un antigo alumno de Azetanet, onde chegou convocado polo Servizo Público de Emprego, explica para Praza por que denunciou en Traballo o inexistente plan de formación e como Crespo tentou convencelo para que non reclamase. O Goberno galego revógalle outra axuda a unha entidade da suposta trama corrupta.
O PSdeG ve nas renuncias na Consellería unha "crise encuberta" na Xunta e pídenlle a Núñez Feijoo "explicacións" sobre estes movementos -cinco cesamentos ou dimisións en poucos meses- nunha área “vinculada a irregularidades nos cursos de formación”.
A investigación da trama Zeta está salferida de mencións a dirixentes do PP galego, partido ao que, segundo a Policía, recibiu 17.000 euros procedentes da caixa 'B' das empresas de Crespo. Repasamos as indagacións, chamadas e comunicacións que salpican a Feijóo, Negreira, Mato, Romay Beccaría e Flores.
A percepción de niveis elevados de prácticas corruptas na política pasou de estar 10 puntos por debaixo da media española a situarse por riba, segundo foron reflectindo os estudos do CIS.
O Consello de Contas ratifica a opacidade dos cursos supostamente impartidos por entidades ligadas a Gerardo Crespo e esténdeas a outras organizacións empresariais e sindicais. A Xunta non comprobou se unha das entidades investigadas na Operación Zeta realizou ou non cursos para os que recibiu máis de 200.000 euros de subvención.
Fiscalía, UE e Estado obviaron hai catro anos as denuncias do alcalde de Oleiros pola "montaxe" que supuñan as subvencións públicas ás empresas de Gerardo Crespo. García Seoane di agora sentirse "satisfeito" pero "tamén frustrado" por non ter sido escoitado daquela.
Unha antiga empregada de Azetanet, imputada na trama Zeta por supostos delitos de fraude, malversación e falsificación, declarou tras ser detida o xeito en que se realizaban os pagamentos procedentes da "caixa B" da presunta trama, así como a elaboración de facturas con conceptos "evidentemente falsos".
Revela que unha empresa de Pachi Lucas, investigado pola trama de corrupción de cursos falsos, figura na relación de provedores dos populares cun importe de máis de 25.500 euros e cuestiona "a habilidade de Feijóo para escoller amizades".
A conselleira de Traballo carga contra AGE e BNG por reclamar explicacións sobre a presunta trama corrupta nun debate sobre os Orzamentos e atribúese a investigación da fraude aínda que esta comezou pola denuncia de dúas traballadoras.