Baltar pai non logra tombar a investigación sobre o suposto financiamento irregular dos populares e a xuíza De Lara acaba apercibindo o seu letrado por insinuar que o tribunal filtrou á prensa a declaración do ex xerente do partido na provincia, na que detallou o "sistema de facturación falsa".
De Lara sospeita que os enchufes de Julio Flores tiñan o "consentimento" do alcalde da Coruña e investiga posibles delitos de "tráfico de influencias e suborno". Aclara que o número dous do goberno local tiña unha "lista para contratar" e "non actuaba illadamente", senón co "coñecemento" do rexedor.
A investigación do caso Pokémon ve confirmadas acusacións do ex xerente dos populares ourensáns e a maxistrada atopa facturas que, cre, sustenta o "sistema" artellado para ocultar gastos electorais por riba do "límite legal". De Lara emite un auto no que reclama novos datos de facturación a nome de dirixentes populares.
De Lara cre que "non cabe dúbida" de que a testemuña "clave" na póla coruñesa do caso sufriu "acoso" laboral por colaborar coa Xustiza. A maxistrada recea de que o traballador fose detido pola Policía Local de Ferrol cuxo xefe, destaca, estivo antes baixo o mando do tenente de alcalde coruñés, imputado na causa.
Baltar negou ante a xuíza De Lara que, como reflicten as intervencións telefónicas, se reunise cos presuntos líderes da trama corrupta na campaña das municipais de 2011 despois de que o seu candidato ourensán propuxese suprimir o pagamento por aparcar na cidade.
A maxistrada Pilar de Lara reclámalles a tres empresas facturas a nome de dous cargos da Xunta, dous deputados, o actual voceiro do PP ourensán e varios edís e ex edís por se axudaron a encubrir gastos electorais que superarían "o límite legal" e serían sufragados con doazóns irregulares.
O ex xerente da formación provincial acusa o ex presidente da Deputación de gardar diñeiro negro na caixa forte do partido e reclama facturas emitidas ao seu fillo e a Santalices por unha empresa de publicidade e unha televisión local ourensá que estivo presidida polo actual director xeral da CRTVG.
Un traballador do Concello da Coruña, de baixa por acoso laboral, foi retido en Ferrol por portar armas de pesca deportiva e a Policía Local difundiu imaxes dos seus obxectos persoais a través de Twitter. Os seus representantes laborais, que apelan á lei de protección de testemuñas, ven no sucedido un intento de "danar a súa credibilidade" por denunciar presuntos amaños de contratos públicos para empresas da trama.
Aquagest recibiu moreas de peticións por parte de rexedores, concelleiros ou funcionarios de diferentes partidos e localidades, segundo correos interceptados na investigación. Conde Roa, Paula Prado ou Romay Beccaría son algúns dos que piden emprego para familiares ou amigos.
O Tribunal Superior de Xustiza de Galicia ve "indicios" de que a deputada e ex voceira do PPdeG puido incorrer en condutas delitivas durante a súa etapa como concelleira en Santiago. Os investigadores atribúenlle unha factura "inchada" e diversos enchufes en concesionarias do consistorio da capital.
Pilar de Lara encarga un informe para determinar se as imaxes do presidente da Xunta co narcotraficante proceden dunha investigación xudicial. Faino tras interrogar o irmán de Paula Prado, quen asegurou, segundo as gravacións da investigación, que coñecía as imaxes un ano antes de seren publicadas.
Agustín Hernández toma posesión como terceiro alcalde de Compostela no que vai de mandato entre promesas de normalidade e coa Casa do Concello blindada pola Policía. A oposición négalle lexitimidade democrática ao novo goberno, no que son maioría os edís non electos.