Os escándalos xudiciais e de presunta corrupción avocan a capital de Galicia a ter o seu terceiro rexedor do mandato. Currás perde o tirapuxa coa dirección do partido pero deixa no aire se continuará como concelleiro.
Antón Barba, presidente da Xunta de Persoal do Concello de Santiago, asegura que os traballadores e traballadoras da institución levan tres anos sentíndose "perseguidos e con medo" a represalias do goberno local do PP, que lle causou un "dano terrible á institución" co seu xeito de actuar e cos seus problemas coa xustiza. O persoal cre que "o mellor sería unha intervención" do consistorio ata as vindeiras eleccións.
Feijóo tenta desligarse o máis posible do goberno do seu partido na capital de Galicia, cuxo alcalde reitera que non dimitirá e prevé presentar o luns un gabinete inzado de persoas que non se presentaron ás eleccións. "Pregúntenlle ao alcalde", di o presidente.
O presidente da Xunta desenténdese do futuro político de Currás, que se condena a xestionar o Concello cunha Xunta de Goberno minúscula ao optar por un equipo de edís non electos para chegar ao remate do mandato. Audio no interior
As presuntas implicacións no caso Pokémon fan caer a número tres de Feijóo no partido, Paula Prado, que continuará como deputada no Parlamento porque "unha cousa é o labor de comunicación e outra, a lexisladora". Audio no interior
O desenvolvemento lexislativo da norma concibida para ilegalizar a esquerda abertzale obriga os edís condenados a deixar os seus cargos aínda que a sentenza non sexa firme, pero permítelle ao alcalde cubrir os postos con persoas alleas á lista electoral.
O Goberno galego atribúelle á Agadic, fundada en 2008, dous gastos menores con Sermasa datados en 2005. A resposta está incluída no expediente dunha pregunta do PSdeG sobre fondos europeos.
O esgotamento da lista configura un panorama no que todo semella indicar que Currás terá que combinar os restos da lista con edís non electos para peregrinar ata a fin do mandato. A oposición local censura a "irresponsabilidade" do PP mentres a dimisión da edil de Educación eleva as vacantes a nove.
O xuíz condena a nove anos de inhabilitación os sete edís xulgados por prevaricar coa decisión de pagarlle o avogado a un concelleiro imputado na Pokémon sen atender aos requisitos legais.
Adrián Varela, imputado na Pokémon, abandona a Concellaría de Deportes da capital galega antes de coñecer a sentenza xudicial dos seus compañeiros, acusados de prevaricar por aprobar pagarlle o avogado sen axustarse á legalidade, segundo a Fiscalía.
O presidente da Xunta equipara a situación de Paula Prado con Besteiro e co BNG, que vén de acreditar que o ingreso de 6.000 euros atribuído a Véndex por Vixilancia Aduaneira foi realizado realmente pola propia organización política.
Vixilancia Aduaneira cre que o xefe de Véndex intercambiaba "recomendacións" por concesión de servizos públicos no Concello da Coruña co anterior e co actual goberno municipal. O alcalde coruñés asegura que as acusacións contra el son "absolutamente falsas".