O INE certifica en Lugo 76 mortes por infarto por cada 100.000 habitantes e 35 na media do Estado. A unidade que atende estas doenzas no Hospital Lucus Augusti só atende en horarios de oficina malia ás peticións veciñais e do propio Servizo de Cardioloxía do centro sanitario.
A folga de fame de tres traballadores tenta evitar o novo recorte de persoal no policlínico vigués. A CIG Saúde esixe a implicación da conselleira de Sanidade no conflito e denuncia "presións próximas á tortura" contra o persoal en folga. Vídeo no interior
A Consellaría difunde o informe vetado da Comisión de Bioética, que conclúe que o decreto que limita o acceso á sanidade das persoas migrantes sen papeis "puxo en cuestión os principios de universalidade, equidade e gratuidade do modelo ético do Sistema Nacional de Saúde"
A conselleira de Sanidade desbota deixar o cargo tras a dimisión de sete membros da Comisión de Bioética que denuncian a censura dun informe sobre desigualdades sanitarias. Mosquera fixo o propio ante outros conflitos como o do Hospital de Lugo ou a sentenza sobre o ascenso fraudulento do seu marido.
O 26 de febreiro de 2011 o presidente inaugurou o HULA e asegurou que ese mesmo ano funcionarían integramente os servizos para atender cancro e infartos. Catro anos despois a Hemodinámica só abre en horas de oficina e radioterapia e medicina nuclear aínda están en proceso de contratación.
O Valedor do Pobo "reitéralle" formalmente ao Sergas a obriga de remitirlle un informe sobre as queixas da plataforma que reclama os servizos pendentes no HULA, polo que agarda dende finais de 2014. As protestas "van arreciar", advirte o colectivo cidadán.
O xefe de Cardioloxía do HULA reclama a apertura as 24 horas do servizo de hemodinámica, que na actualidade funciona só en horario de oficina. O custo sería "só o de contratar un hemodinamista máis", di, mentres alcaldes da Montaña valoran levar a Xunta aos tribunais.
As grandes áreas sanitarias do país superan a espera media de 60 días, límite a partir do que a lei de garantías sanitarias permite traspasar doentes a centros privados. A espera cirúrxica media do Sergas rematou 2014 en 80,4 días.
A finais da pasada década a Xunta tivo que rescatar e disolver as fundacións hospitalarias, impulsadas cando Feijóo dirixía o Sergas e cuxo modelo apostou por estender a todo o Estado xunto a Romay Beccaría. No hospital de Verín, emblema do modelo, o Consello de Contas detectou contas falseadas, "falta de control orzamentario" e "irregularidades" nas contratacións.
A xunta de persoal da área sanitaria da Coruña presenta unha demanda para que comprobe as "pésimas condicións" nas que se presta a atención sanitaria e que "pon en risco a seguridade" dos doentes. Feijóo presume ao tempo de ser un dos grandes defensores da sanidade pública.
O Goberno galego pasa da petición de "desculpas" á esixencia de "responsabilidade" á cidadanía mentres persoal e doentes alertan do "caos" nas urxencias por mor do incremento dos casos de gripe.
A administración dun medicamento contra o cancro de próstata para doentes sen quimioterapia, aprobada pola UE en setembro de 2011, non foi autorizada polo Goberno español ata o verán de 2014 e pola Xunta, ata o pasado setembro. Pacientes oncolóxicos esixen "equidade" no acceso aos fármacos.