O repunte da gripe e as vacacións de Nadal dun escaso persoal provocan o colapso nas Urxencias do Meixoeiro, o HULA ou o CHUAC. Doentes do servizo de oncoloxía do CHUS agardaron ata sete horas para recibir a quimioterapia nunha área tamén saturada este mércores.
Dá luz verde á tramitación do decreto que desenvolve a Lei de Garantías Sanitarias, que abre a porta a que a Xunta lles pague aos centros sanitarios privados por facerse cargo dos e das pacientes do sistema sanitario público cando estes superen os 60 días de espera por unha operación.
Esta oferta de emprego para o vindeiro ano está pendente da convocatoria formal, que pode adiarse (como o fixo neste 2014) ata 12 meses. Esta semana publicouse a convocatoria de 2014: 165 prazas para cubrir as 1.649 vacantes xeradas por xubilacións.
Os conservadores sacan adiante nun tenso debate a versión recortada da iniciativa lexislativa popular que pretendía a instalación no HULA dos servizos de hemodinámica 24 horas, radioterapia e medicina nuclear, prometidos por Feijóo en 2011. A Federación Veciñal anuncia novas mobilizacións e lamenta que o presidente "non teña palabra". Audio no interior
O pleno do Parlamento aprobará a vindeira semana definitivamente o que queda da iniciativa lexislativa popular para instalar no HULA servizos de hemodinámica 24 horas, radioterapia e medicina nuclear. As emendas do PP dilúen os prazos e os compromisos sobre estas dotacións, prometidas por Feijóo en 2011.
ENTREVISTA Centos de persoas concentráronse, convocadas pola CIG, en contra da política de contratación do SERGAS. Entre elas moitos e moitas profesionais sen praza, que sofren a precariedade das listas de substitución. Falamos con Mayra Dorribo, representante de Sanitarios Galegos Públicos (SAGAP)
CIG-Saúde convoca concentracións este mércores pedindo a cobertura de todas as ausencias, a fin dos contratos por horas e o remate da taxa de reposición. A situación na área de Vigo e os plans privatizadores unidos ao novo hospital da cidade denunciaranse nunha manifestación o xoves 11.
O líder do PSdeG e presidente da Deputación lucense acepta o convite da plataforma que reivindica a instalación no HULA dos servizos oncolóxicos que Feijóo prometeu durante a inauguración do hospital, no ano 2011. Audio no interior
Antonio Veiga critica a supresión de prazas de facultativos nunha ducia de concellos de Lugo e afirma que “o Sergas pretende eliminar a rede de atención primaria e encher os hospitais de pacientes para despois privatizalos, coma no modelo americano”
ENTREVISTA O que ía ser unha simple tradución ao castelán de A saúde como negocio (Laiovento, 2012) converteuse nun libro novo, La salud como negocio, que relata os ataques conta a sanidade pública nos últimos dous anos. Falamos con Pablo Vaamonde, coordinador da obra.
SOS Sanidade Pública presenta un informe no que detalla as consecuencias das "medidas de recorte e privatización impostas polo PP no sistema sanitario público desde 2009" e anuncia unha gran mobilización cidadá para o vindeiro mes de decembro. Vexa o vídeo no interior.
O Servizo Galego de Saúde elimina por segundo trimestre consecutivo do cálculo total da demora cirúrxica ao centro vigués, que lastra dende hai anos os resultados de todo o sistema. Malia á 'maquillaxe', o tempo de espera media nos hospitais do Sergas é o maior dende que os seus datos son publicados independentemente.