A Xunta deberá aplicar neste mes de xaneiro o repago en fármacos hospitalarios que afecta milleiros de enfermos crónicos e contra o que se rebelaron varios concellos. Feijóo segue sen recibir a Iniciativa pola Gratuidade da Sanidade, que anuncia novas mobilizacións para a semana.
O presidente da Xunta desdeña as mobilizacións do persoal sanitario e asegúralle a AGE e ao BNG que "nin privatizamos nin privatizaremos" o Sergas
Despois da folga deste luns e martes, o presidente da Xunta afirmou que "a sanidade pública está blindada", mentres que a conselleira de Sanidade pediu "cruzar os dedos" para evitar máis copagos
Milleiros de persoas maniféstanse nas principais localidades do país para opoñerse aos "recortes" e "privatizacións" no Sergas. Feijóo, como antes fixera a conselleira de Sanidade, desdeña as mobilizacións e asegura que as secundaron "moi poucas" persoas. Galería de imaxes e vídeo no interior
Unha ducia de manifestacións enchen as rúas das cidades e vilas galegas en defensa da sanidade pública. Os traballadores denuncian os obstáculos postos pola Consellaría ao paro.
Os sindicatos destacan o elevado seguimento da primeira xornada de folga no SERGAS e fan un chamamento á sociedade a participar nas manifestacións convocadas este martes en defensa da sanidade pública. CIG e CCOO cifran nun 80% a participación, e a Xunta fala dun 22%, sen contar os servizos mínimos (outro 35% de traballadores)
O PP saca adiante en solitario a Lei de Garantías de Prestacións Sanitarias, que deriva os doentes a centros alleos á rede pública se a Xunta incumpre os seus propios prazos. A oposición censura o cambio de modelo e ve na norma unha "arma de destrución masiva" para o Servizo Galego de Saúde.
O Servizo Galego de Saúde implanta dende este luns en todo o país o sistema de atención non presencial. O Goberno galego asegura que incrementa a marxe de "elección" para os pacientes mentres SOS Sanidade alerta de que o plan pode ser unha "escusa" para novos recortes.
CIG e CC.OO. anunciarán este luns o paro no Sergas, que tamén convocan os sindicatos médicos CESM-Galicia e Omega. A redución de persoal, a non reposición de xubilacións ou as externalizacións e privatizacións de servizos, entre as restantes causas da folga.