David Lombao

Cáritas reclama novas políticas de vivenda e medidas como "aluguer social ou ocupación de vivendas baleiras" para darlles respostas ás 3.600 persoas que dormen cada noite nas rúas galegas. O presidente da Xunta chama a "traballar" para "saber por que, se hai albergues que non se utilizan, hai xente que dorme na rúa". Audio no interior

Catro meses despois de que o Tribunal Supremo ditaminase, a instancias da CIG Ensino, que a Xunta incumpriu a normativa ao subvencionar colexios segregacionistas cando aínda era ilegal a Consellería non efectuou movemento ningún para tentar recuperar os cartos, que segundo o sindicato denunciante ascenden a uns 12 millóns de euros.

O presidente da Xunta retruca á enésima petición de explicacións sobre a presunta rede corrupta asegurando que a Vicepresidencia do bipartito adxudicou un contrato de 65 millóns en funcións, aínda que datos do propio Goberno acreditan que non foi así. O xefe do Executivo revela que o xulgado que instrúe o caso reclama datos sobre cursos de formación dende o ano 2000 e pide a dimisión de Tania Sánchez, dirixente de IU en Madrid.

Os conservadores tomban a iniciativa do BNG que, apoiada por toda a oposición, apostaba por impulsar campañas de sensibilización para a corresponsabilidade e medidas como a atención domiciliaria a menores. O PP coida que "non achega nada novo" e reivindica a polémica Lei de Familia.

O Consello de Contas reflicte achegas a Gecreri por importe de 470.000 euros en 2010 e 360.000 euros en 2009. No ano en que comezou a investigación da presunta fraude a empresa logrou algo máis de 400.000 euros e, cando as indagacións xa estaban en marcha, outras entidades de Crespo seguiron sendo subvencionadas. O PP volve vetar que Feijóo compareza no Parlamento sobre o caso

Os estudos máis recentes alertan de que "unha proporción moi importante" da poboación que rexeita as agresións físicas de xénero aceptan, en maior ou menor medida, outras formas de maltrato como o control da parella. A Marcha Mundial das Mulleres e outros colectivos feministas animan á mobilización neste 25-N para "despatriarcalizar" a sociedade. 

Un xulgado de Santiago está a piques de rematar a instrución da presunta trama de contratos irregulares para a restauración de bens eclesiásticos que sentará no banco dos acusados a funcionarios, cregos e empresarios. O caso estourou definitivamente coa denuncia da veciñanza de Paraños (Covelo) pola entrega da casa reitoral da parroquia ao presunto líder da rede, un antigo traballador da Consellería de Cultura.

A Xunta segue evitando publicar os salarios de todo o seu persoal asesor aínda que é obrigatorio dende o ano 2006. O PSdeG introduce unha emenda nos Orzamentos de 2015 para tentar conseguir os datos e AGE insta a publicar tamén os salarios do Consello de Administración da CRTVG, igualmente descoñecidos.

O ex xerente da formación provincial acusa o ex presidente da Deputación de gardar diñeiro negro na caixa forte do partido e reclama facturas emitidas ao seu fillo e a Santalices por unha empresa de publicidade e unha televisión local ourensá que estivo presidida polo actual director xeral da CRTVG.

O presidente da Xunta desfaise en eloxios ao presidente do Goberno central, que na entrega dun premio loubou, á súa vez, o papel de Xosé Luís Barreiro, a quen o Goberno galego que el vicepresidía denunciou en 1987 para tentar frear a moción de censura que deu lugar ao tripartito.

O líder do PSdeG e presidente da Deputación lucense acepta o convite da plataforma que reivindica a instalación no HULA dos servizos oncolóxicos que Feijóo prometeu durante a inauguración do hospital, no ano 2011. Audio no interior

As persoas imputadas na trama da presunta fraude nos cursos de formación pasan de 7 a 30 mentres Feijóo segue a negarse a aclarar a súa relación co suposto conseguidor da rede.