David Lombao

Feijóo defende con vehemencia ante Rajoy o plan para ilegalizar os gobernos locais de coalición. O presidente do Goberno de España eloxia á "maioría silenciosa" ante os seus recortes na "apertura do curso político", que o dirixente conservador volve situar en "Sotomayor".

As empresas editoras agardan que no curso 2014/2015 os prezos dos manuais escolares suban un 0,8%. A Consellería de Educación négase a retornar ao modelo de préstamo, como recomenda a Defensora del Pueblo, pero insta a "estender" os bancos de libros das ANPAS, creados para paliar os recortes.

A poboación activa galega vén reducíndose sistematicamente dende hai dous anos e, entre o primeiro e o segundo trimestre de 2014, unhas 4.000 persoas que deixaron de figurar como desempregadas non se sumaron ao rexistro de ocupación. Entre a poboación menor de 25 anos as cifras de ocupación e paro son practicamente idénticas.

Feijóo disponse a recortar o Parlamento en solitario vinte anos despois de que Fraga limitase unilateralmente a entrada de forzas minoritarias. As guías internacionais de boas prácticas electorais recomendan que as leis de eleccións estean apoiadas pola oposición e non muden menos dun ano antes dos comicios.

Un estudo da unidade de Psicoloxía Preventiva da UCM con adolescentes de todo o Estado advirte da importancia das idades temperás para erradicar as agresións de xénero. Mozos e mozas aínda están excesivamente expostos a "consellos" prexudiciais, como os que identifican os ciumes co amor.

O 27 de agosto de 2012 Feijóo daba en adiantar as eleccións, aparcando o recorte do Parlamento que aínda mantén en trámite dous anos despois. Os conservadores valoran agora a pertinencia de ilegalizar en solitario os gobernos municipais de coalición.

AGE e BNG piden explicacións polas cargas policiais e o delegado do Goberno de España acúsaos de "incitar a violencia". O alcalde de Santiago censura que as protestas anti troika non se celebrasen nunha data na que a chanceler alemá non estivese en Compostela.

Unha aplicación incluída no popular Google Maps rexistra a ubicación física dos terminais móbiles coa autorización das persoas que os utilizan, presentando de novo o debate entre privacidade e servizos en Internet. Iago Varela, editor de Mallandroid, explica as súas vantaxes e problemas.

A poboación galega paga polos combustibles un dos importe máis caros do Estado. O país rematou xullo por riba de Francia ou Austria no prezo do gasóleo e supera a media do Estado en todos os indicadores. A Xunta aposta por incrementar os operadores no mercado para baixar os prezos e colectivos como Véspera de nada reclaman reducir a dependencia dos combustibles fósiles.

A muller asasinada pola súa parella este luns en Barro é a sexta vítima mortal da violencia de xénero en Galicia no que vai de ano. A Marcha Mundial das Mulleres e outros colectivos chaman a rexeitar as agresións de xénero na rúa con mobilizacións convocadas para a tarde deste martes.

O presidente español garántelle á chanceler que non porá fin á "austeridade" nunha Compostela tomada pola Policía. A líder alemá apoia a De Guindos para presidir o Eurogrupo. Os antidisturbios cargan con dureza contra a protesta anti troika.

A Asociación de Usuarios do Servizo de Oncoloxía salienta a "diferenza de trato" entre o "despregamento de medios" do Estado para atender o misioneiro enfermo de ébola e a negativa a subministrar tratamentos contra o cancro desatendendo o criterio médico e priorizando os motivos económicos. Falamos coa súa voceira, Montse Recalde.