David Lombao

ENTREVISTA Eduard López, vicesecretario de Esquerra Republicana de Catalunya, explica durante unha visita a Compostela que "pode ser" que o 9 de novembro "o Estado impida que saiamos á rúa" para celebrar a consulta, "pero a forza de convencer xa non a ten". O político catalán amósase favorable á declaración de independencia "refrendada" pola cidadanía tras as vindeiras eleccións catalás

Unha antiga empregada de Azetanet, imputada na trama Zeta por supostos delitos de fraude, malversación e falsificación, declarou tras ser detida o xeito en que se realizaban os pagamentos procedentes da "caixa B" da presunta trama, así como a elaboración de facturas con conceptos "evidentemente falsos".

O escándalo polo traslado de anciáns con demencia a un colexio electoral por parte de dirixentes do PP de Lugo, imputados pola Xustiza, reabre o debate sobre estas prácticas. Feijóo asegura non saber se é "correcto ou non" levar estas persoas a votar e AGE esixe a dimisión dun dos implicados, representante dos conservadores no consello de administración da CRTVG.

O Servizo Galego de Saúde elimina por segundo trimestre consecutivo do cálculo total da demora cirúrxica ao centro vigués, que lastra dende hai anos os resultados de todo o sistema. Malia á 'maquillaxe', o tempo de espera media nos hospitais do Sergas é o maior dende que os seus datos son publicados independentemente.

ENTREVISTA O portavoz nacional do BNG, Xavier Vence, sinala as asembleas abertas da formación como mostra da súa vontade de "ensanchamento" e abre a porta a que "persoas que participan noutros procesos acaben confluíndo no Bloque". O líder nacionalista coida que, ante os casos de corrupción, o PP tería que ser "ilegalizado" ou "refundado".

A conselleira de Traballo carga contra AGE e BNG por reclamar explicacións sobre a presunta trama corrupta nun debate sobre os Orzamentos e atribúese a investigación da fraude aínda que esta comezou pola denuncia de dúas traballadoras.

Informes contidos no sumario da presunta rede de cursos falsos salientan que a "única actividade" das entidades de Crespo era a "caza de cartos públicos" sen impartir os cursos subvencionados mediante unha "farsa" asociativa e contactos con "relevantes cargos políticos". Infografía no interior

A Policía detecta unha relación "constante" entre Gerardo Crespo, presunto líder da rede, con "políticos e funcionarios relacionados con subvencións e adxudicacións". A contabilidade dunha das empresas de Crespo reflicte unha achega de 17.000 euros ao PP.

O Goberno galego inclúe nos Orzamentos de 2015 unha ampliación do prazo para que as compañías que obtiveron as licenzas de televisión privada local e autonómica cumpran os seus compromisos de investimento, programación e emprego. Das dúas autonómicas unha pechou e outra emite por baixo dos compromisos, das locais só están operativas 8 das 48 concedidas.

O goberno de Santiago terá 8 dos seus 13 membros non electos, pero o alcalde, Agustín Hernández, reivindica unha reforma electoral para ilegalizar as coalicións postelectorais e "respectar a vontade da cidadanía". 

O alcalde da Coruña asegura que o seu partido non foi financiado polas empresas de Gerardo Crespo, que en 2010 defendeu a limpeza dos seus cursos despois de que o alcalde de Oleiros o levase á Fiscalía. A investigación da Operación Zeta detecta anotacións de achegas de Crespo aos conservadores e a cargos da Xunta.

O ex vicepresidente da Xunta e antigo líder do BNG amósase disposto a propiciar un "movemento cívico" que reflexione e propoña solucións á "desgaleguización" da política do país. En ningún caso, asegura, se propón impulsar un novo partido ou regresar á "política institucional".