David Lombao
A Xunta incumpre a metade das resolucións do debate da autonomía de 2013
O Parlamento celebra dende este martes un novo debate de política xeral mentres o Goberno está a aplicar apenas 20 iniciativas das aprobadas na sesión do pasado ano.
A batalla portuguesa contra o abandono escolar xa supera a Galicia
O Norte de Portugal reduciu o abandono temperán da escola en máis de 30 puntos en apenas unha década. Galicia, que partía dunha posición moito máis favorable, reduciu pouco máis de medio punto anual dende o ano 2000.
O PP proclama que a autovía da Ribeira Sacra "non toca a Ribeira Sacra"
O voceiro de infraestruturas dos conservadores asegura que a A-76, prevista para unir Ourense con Ponferrada, non pasa pola Ribeira Sacra e a plataforma veciñal que se opón ao trazado amósase "abraiada" co seu "descoñecemento".
O PP resístese a que a Xunta revele todos os soldos dos seus asesores
Os conservadores tomban unha iniciativa socialista apoiada por toda a oposición para instar a Xunta a publicar as remuneracións de todo o seu persoal de gabinete, como marca a lei de transparencia. Paula Prado insiste en que o Executivo xa cumpre a norma, aprobada no mandato do bipartito.
A poboación galega cre que ten o peor goberno do Estado
O Índice Europeo de Calidade do Goberno, realizado a través dun estudo con 85.000 persoas de 212 territorios do continente, sitúa a Galicia no último posto das comunidades autónomas do Estado e ao nivel de rexións de Polonia, Italia ou Bulgaria. O inquérito mide a relación cos servizos públicos e a percepción da corrupción.
Cando Feijóo prometeu pagar o AVE a Lugo
O actual presidente asegurou como candidato que ía "levar o AVE de Lugo a Ourense co diñeiro da Xunta". Cinco anos despois daquela promesa o proxecto nunca figurou nas contas autonómicas e, nos Orzamentos do Estado, ten partidas residuais unicamente para estudos previos.
O AVE volve capitalizar o investimento que o Estado prevé para Galicia
Máis da metade dos cartos que o Estado di prever investir en 2015 inclúense en partidas para o tren de alta velocidade. A autovía Lugo-Santiago é outro dos principais destinos dunhas contas marcadas polas infraestruturas e nas que o Fondo de Compensación Interterritorial perde máis dun 1,5% da súa dotación. Infografía no interior
Galicia, a que menos gaña nos orzamentos de Rajoy para o ano electoral
O Goberno de España planifica uns investimentos de 1.385 millóns de euros en territorio galego para 2015. O AVE volve capitalizar as partidas galegas das contas estatais, nas que a autovía Santiago-Lugo é a segunda infraestrutura con maior dotación.
A Red Madre usa de balde un piso de emerxencia social en Santiago
A oposición compostelá pide explicacións polo uso que o colectivo antiabortista lle dá a unha das vivendas propiedade do Concello que, entre outros usos, estaban destinadas a atender persoas con dificultades sociais como os desafiuzamentos. O piso foille cedido en outubro de 2012 á entidade promovida polo Foro de la Familia.
"Pedir un protocolo contra o ébola en Lugo é ridículo e racista"
Representantes do sindicato CSI-F na Policía Local lucense reclámanlle ao Concello un protocolo "ante posibles casos de ébola" entre os vendedores ambulantes do San Froilán mentres Sanidade apela á "total tranquilidade" sobre a enfermidade en Galicia. O Foro Galego da Inmigración ve no "descoñecemento" a orixe desta petición con "tintes racistas".
Educación traslada a Internet a súa cruzada contra os colexios 'rebeldes'
A Consellería de Jesús Vázquez acumula na súa web reprimendas contra centros educativos que denuncian carencias materiais ou de profesorado no inicio do novo curso.
O Parlamento aproba cumprir a nova lei da TVG, aprobada hai tres anos
O PP accede a apoiar unha iniciativa do PSdeG que insta o Goberno a aplicar as previsións da lei dos medios públicos, cuxos primeiros preceptos tiñan que estar en vigor dende xuño de 2012.