Mandián argumenta que "La Coruña era oficial en 2008" para acusar a Callón
O avogado do ex xuíz decano da Coruña obvia que a forma deturpada do topónimo coruñés está fóra da oficialidade dende 1998 na, a xuízo do presidente d'A Mesa, "delirante" repetición do xuízo
Feijóo xa non desbota que ENCE quede na ría de Pontevedra
O presidente da Xunta evita rebater a Louzán e, tras a aprobación da nova lei de costas, agarda ver "que melloras económica está disposta a facer a empresa" antes de decidir se pode ou non continuar. O PP incluíu no seu programa o traslado da factoría.
A montaña luguesa, en alerta ante o posible "expolio" mineiro
A Xunta autoriza que unha empresa canadense tome mostras en dúas reservas da biosfera á procura de cinc, cobre, ouro, prata e chumbo. O alcalde da Fonsagrada advirte de que todos os grupos políticos do concello se manterán "na defensa a ultranza do territorio".
Así lle pasará o Sergas pacientes á sanidade privada
O Goberno galego vén de iniciar o trámite da Lei de Garantías, a norma que permitirá traspasar doentes a centros concertados ou privados se a Xunta incumpre os límites de espera que ela mesma vai marcar.
O PP oponse a tentar reverter a quita das preferentes cunha reforma legal
Os conservadores rexeitan unha iniciativa do BNG, apoiada polo resto da oposición, para promover dende Galicia unha reforma da lexislación estatal que provocou que as persoas estafadas perdan parte dos seus aforros. Unanimidade para reclamar o mantemento da obra social das antigas caixas.
A Xunta recorta un 14% as axudas aos concellos para reducir o abandono escolar
O Goberno galego deixa por baixo dos 2 millóns de euros os fondos para financiar actividades como obradoiros de recuperación educativa ou a asistencia ao alumnado con dificultades educativas ou en risco de exclusión social
Inédita unidade política no inicio da investigación ás antigas caixas
O PP cede e acepta ampliar a nómina de comparecentes e o volume de documentación para indagar na xestión e desaparición de Caixa Galicia e Caixanova. Simultaneamente, os conservadores aproban en solitario o plan de traballo da comisión de estudo sobre a corrupción.
Beiras chama á "coordinación" de toda a oposición no Parlamento
Os voceiros de PSdeG, AGE e BNG manteñen encontros bilaterais para artellaren posicións conxuntas nas comisións de investigación das caixas e de estudo sobre a corrupción
Os descartes do PP na comisión de investigación das caixas
A oposición insta os populares a "entrar en razón" e "non pasar o rodete" na lista de comparecentes que será votada este martes. Os fillos de José Luis Méndez, o fiscal superior de Galicia ou Rodrigo Rato non figuran na proposta popular.
Callón tenta frear a "insólita" repetición do xuízo no que foi absolto
O presidente d'A Mesa recorre a decisión da audiencia provincial coruñesa de volver celebrar o proceso a instancias do xuíz Fraga Mandián, defensor do da forma La Coruña
"Os servizos públicos non responden como deberan ante o maltrato ás mulleres"
Aurora Antúnez, presidenta da asociación Enriqueta Otero, mulleres luguesas contra a violencia de xénero, advirte da importancia de que a poboación sexa "consciente" das actitudes machistas e de desterrar as "xustificacións" para as agresións machistas, a comezar polos medios de comunicación.
Veto policial ao alcalde de San Sadurniño nun acto oficial tras preguntarlle "de que partido é"
A Policía prohibiulle o paso ao rexedor, do BNG, á conmemoración do centenario do tren Ferrol-Betanzos. Secundino García participou previamente nunha mobilización na defensa do ferrocarril na comarca.