David Lombao

O presidente da Xunta non comparece dende o escándalo polas fotos co narcotraficante Marcial Dorado. O PP evitou que tivese que dar explicacións sobre a trama Zeta,  sobre "o suposto financiamento ilegal do PP" ou a respecto das caixas, o naval ou o paro, entre outros asuntos

Besteiro rexeita acordar cos populares reformas para previr prácticas corruptas porque "non se pode pedir transparencia" mentres o presidente "se nega a ir ao Parlamento". O líder socialista rexeita "pechar un pacto nun despacho, de costas á sociedade e ao resto de forzas".

A investigación da trama Zeta está salferida de mencións a dirixentes do PP galego, partido ao que, segundo a Policía, recibiu 17.000 euros procedentes da caixa 'B' das empresas de Crespo. Repasamos as indagacións, chamadas e comunicacións que salpican a Feijóo, Negreira, Mato, Romay Beccaría e Flores.

O secretario xeral de CxG alerta do risco de que Galicia "quede fóra" da reformulación territorial do Estado se "o galeguismo e o nacionalismo non están presentes" nela. A formación galeguista celebra o seu congreso nacional o vindeiro 16 de novembro coa vista posta nas municipais.

O Consello de Contas advirte de que contratos da Consellería de Infraestruturas, aínda con Hernández como conselleiro, tiveron desviacións de case 50 millóns de euros en apenas dous anos. O ente fiscalizador resalta que a Xunta segue a desprazar facturas para os exercicios seguintes, incumprindo "o principio de anualidade que marca a lei".

O Consello de Contas ratifica a opacidade dos cursos supostamente impartidos por entidades ligadas a Gerardo Crespo e esténdeas a outras organizacións empresariais e sindicais. A Xunta non comprobou se unha das entidades investigadas na Operación Zeta realizou ou non cursos para os que recibiu máis de 200.000 euros de subvención.

A Fiscalía Superior de Galicia rexistrou durante 2013 a incoación de 184 presuntos delitos relacionados coa corrupción. O fiscal superior e o Consello de Contas reclaman máis medios para atallar as condutas corruptas na Administración pública.

ENTREVISTA Eduard López, vicesecretario de Esquerra Republicana de Catalunya, explica durante unha visita a Compostela que "pode ser" que o 9 de novembro "o Estado impida que saiamos á rúa" para celebrar a consulta, "pero a forza de convencer xa non a ten". O político catalán amósase favorable á declaración de independencia "refrendada" pola cidadanía tras as vindeiras eleccións catalás

Unha antiga empregada de Azetanet, imputada na trama Zeta por supostos delitos de fraude, malversación e falsificación, declarou tras ser detida o xeito en que se realizaban os pagamentos procedentes da "caixa B" da presunta trama, así como a elaboración de facturas con conceptos "evidentemente falsos".

O escándalo polo traslado de anciáns con demencia a un colexio electoral por parte de dirixentes do PP de Lugo, imputados pola Xustiza, reabre o debate sobre estas prácticas. Feijóo asegura non saber se é "correcto ou non" levar estas persoas a votar e AGE esixe a dimisión dun dos implicados, representante dos conservadores no consello de administración da CRTVG.

O Servizo Galego de Saúde elimina por segundo trimestre consecutivo do cálculo total da demora cirúrxica ao centro vigués, que lastra dende hai anos os resultados de todo o sistema. Malia á 'maquillaxe', o tempo de espera media nos hospitais do Sergas é o maior dende que os seus datos son publicados independentemente.

ENTREVISTA O portavoz nacional do BNG, Xavier Vence, sinala as asembleas abertas da formación como mostra da súa vontade de "ensanchamento" e abre a porta a que "persoas que participan noutros procesos acaben confluíndo no Bloque". O líder nacionalista coida que, ante os casos de corrupción, o PP tería que ser "ilegalizado" ou "refundado".