David Lombao

Dous anos despois de favorecer a desaparición do programa socioeducativo que funcionou durante máis de tres décadas por consideralo innecesario o Goberno galego organiza cursos para as persoas que abrirán "casas niño", o proxecto para atender nenos e nenas en domicilios particulares.

Os conservadores revólvense ante as enquisas que auguran que non acadarán a maioría absoluta en ningunha cidade galega nun mitin no que Feijóo dá por cumpridos "máis da metade dos compromisos" da lexislatura

O monumento lucense fai este domingo catorce anos como Patrimonio da Humanidade cun "bo estado de conservación", segundo o organismo dependente da ONU, que cre necesario un "programa de educación e concienciación" sobre a construción romana.

O PP de Ourense presenta a Teresa Barge, rexedora da Bola, e Avelino de Francisco, o seu homólogo de Cortegada, como cabezas de cartel para as municipais de 2015.

Milleiros de persoas maniféstanse en Compostela baixo o lema "pan, traballo e teito". O bombeiro Roberto Rivas, convertido en símbolo da loita contra os desafiuzamentos, ponlle voz ao manifesto e chama á unidade da esquerda social e política. Galería de imaxes e audio no interior.

Tras máis de corenta vetos o presidente da Xunta asegura que comparecerá no Parlamento pero non para abordar a trama Zeta, como pide a oposición, senón para "presentar" reformas legais en materia de control de posibles prácticas corruptas. Mentres, o PP anuncia que "renderá contas da súa xestión" cun mitin de todo o Goberno.

O Goberno galego teima no traslado de gastos dun ano a outro mentres o Consello de Contas volve advertir que esta práctica "supón o incumprimento do principio de anualidade orzamentaria" que marca a lei. O Executivo non atenderá en 2014, agás en servizos esenciais, ningunha factura posterior ao 14 de novembro.

Cáritas reclama novas políticas de vivenda e medidas como "aluguer social ou ocupación de vivendas baleiras" para darlles respostas ás 3.600 persoas que dormen cada noite nas rúas galegas. O presidente da Xunta chama a "traballar" para "saber por que, se hai albergues que non se utilizan, hai xente que dorme na rúa". Audio no interior

Catro meses despois de que o Tribunal Supremo ditaminase, a instancias da CIG Ensino, que a Xunta incumpriu a normativa ao subvencionar colexios segregacionistas cando aínda era ilegal a Consellería non efectuou movemento ningún para tentar recuperar os cartos, que segundo o sindicato denunciante ascenden a uns 12 millóns de euros.

O presidente da Xunta retruca á enésima petición de explicacións sobre a presunta rede corrupta asegurando que a Vicepresidencia do bipartito adxudicou un contrato de 65 millóns en funcións, aínda que datos do propio Goberno acreditan que non foi así. O xefe do Executivo revela que o xulgado que instrúe o caso reclama datos sobre cursos de formación dende o ano 2000 e pide a dimisión de Tania Sánchez, dirixente de IU en Madrid.

Os conservadores tomban a iniciativa do BNG que, apoiada por toda a oposición, apostaba por impulsar campañas de sensibilización para a corresponsabilidade e medidas como a atención domiciliaria a menores. O PP coida que "non achega nada novo" e reivindica a polémica Lei de Familia.

O Consello de Contas reflicte achegas a Gecreri por importe de 470.000 euros en 2010 e 360.000 euros en 2009. No ano en que comezou a investigación da presunta fraude a empresa logrou algo máis de 400.000 euros e, cando as indagacións xa estaban en marcha, outras entidades de Crespo seguiron sendo subvencionadas. O PP volve vetar que Feijóo compareza no Parlamento sobre o caso