O derrubo da Casa Gótica de Betanzos queda sen castigo, ao carecer "de singular protección"
A sentenza xudicial considera probado que o propietario “malia coñecer o valor arquitectónico" do inmoble, de 600 anos de antigüidade, provocou "un grave dano ao patrimonio histórico”. Porén, sinala que, aínda que dentro do Conxunto Histórico Artístico de Betanzos, a casa non ten unha protección individualizada.
Auga doce, algo amarga, no Gaiás
Este venres inaugúrase na Cidade da Cultura, coa presenza do príncipe Felipe, a mostra Auga Doce. Contraminate lembra os prexuízos que os proxectos mineiros teñen para os recursos hídricos e protesta contra un "evento hipócrita e unha provocación para os colectivos que loitan pola salvagarda dos bens naturais, e moi particularmente da auga".
Frei Rosendo Salvado, moito máis ca eucaliptos
O Consello da Cultura Galega acolle os vindeiros 3 e 4 de abril un simposio internacional sobre a figura do frade bieito tudense, que a mediados do século XIX levantou unha misión en Australia e chegou a ser bispo de Perth. Neste ano celébrase o bicentenario do seu nacemento.
O aborto de tres vacas, supostamente provocado polo Rali do Cocido, acabará nos tribunais
O gandeiro reclámalle case 12 mil euros ao Concello de Lalín e á organizadora da proba, e conta cun informe veterinario que certifica que os abortos foron provocados polo estrés xerado pola proba automobilística.
Os primeiros incendios do ano coinciden con críticas á privatización e á eliminación de brigadas
Nas últimas semanas Medio Rural decidiu a supresión das brigadas públicas de prevención e extinción en Celanova e Baixo Miño, dúas das comarcas máis afectadas polos lumes. Apopriga denuncia "unha privatización encuberta e silenciosa"
"Non hai política audiovisual. E non creo que sexa unha cuestión ideolóxica, é ignorancia simplemente"
Manolo González será homenaxeado o vindeiro 12 de abril na gala dos Mestre Mateo. Recibirá o premio de honra Fernando Rey pola súa "paixón e compromiso pola profesión". Falamos con el sobre o pasado, presente e futuro do audiovisual galego, que tan ben coñece.
O persoal galego da FNAC lidera a loita laboral na empresa en toda España
Denuncian o despedimento dunha compañeira e as súas precarias condicións laborais, con redución de salario e aumento de xornada no último ano. Farán folga todos os sábados a partir do día 22 e as súas protestas xa se estenderon á tenda de Murcia e poden facelo nos próximos días a Madrid ou Barcelona
Gonzalo Gurriarán, o compromiso humano dun médico
Será homenaxeado este sábado no Barco de Valdeorras polo Concello e a Irmandade da Sanidade Galega (ISAGA). Gurriarán atendeu as feridas de moitos maquis nos anos 40 e 50 e foi un dos fundadores do Club de Montaña Pena Trevinca
Quen descubriu realmente os fragmentos do 'Livro da Montaria' en Lugo?
O investigador Andrés Díaz denuncia que solicitou a dixitalización dos documentos seis días antes do anuncio da "descuberta" por parte de dúas traballadoras do arquivo provincial. Acúsaas de "adiantarse sen citar ao autor do achado, nunha manobra, como mínimo, pouco elegante"
O grupo de sanidade privada HM Hospitales desembarca en Galicia
A corporación conta con seis centros en Madrid e vén de facerse co Grupo Hospitalario Modelo da Coruña. O seu conselleiro delegado, Juan Abarca, sinala na presentación que o seu obxectivo é a súa expansión por todo o país: "imos comer o mercado galego, enteiro".
Xanceda: Ecolóxicos do prado á neveira
A Casa Grande de Xanceda converteuse na segunda maior explotación produtora de leite ecolóxico de España. Ademais, destaca polo seu intenso uso das novas tecnoloxías e polas visitas guiadas que organiza ás súas instalacións, co obxectivo de difundir o seu modo de produción.
Maioría de alumnas, minoría de profesoras
O INE vén de actualizar a súa publicación Mujeres y Hombres no campo dedicado á educación. Os datos revelan que non hai cambios no esquema, coñecido dende hai anos, dunha presenza maioritaria de mulleres entre os estudantes universitarios, pero aínda un meirande número de homes impartindo as clases.