Monterrei: un castelo público para o beneficio privado?
O monumento foi cedido en 2010 á Xunta para que tivese un uso como "centro de divulgación e promoción da moda, o viño e as augas medicinais da comarca". Porén, o Goberno galego prepara a instalación alí dun Parador
"Nin en Londres nin en Portugal, aborto legal na seguridade social"
Milleiros de persoas encheron a praza da Quintana na manifestación convocada pola Plataforma Galega polo Dereito ao Aborto, para esixir "respecto aos dereitos sexuais e reprodutivos das mulleres" e demandar que non haxa que volver a recorrer aos abortos clandestinos. Vídeo e galería de imaxes no interior.
Ferrol Vello: prégase o uso do casco
Un cento de veciños e veciñas participaron este sábado nunha concentración convocada pola Comisión Cidadá pola Recuperación de Ferrol Vello para demandar unha solución para o barrio.
Universidade, arte, tecnoloxía: Moi lonxe da igualdade
Neste 8 de marzo cómpre falar dos avances producidos na incorporación da muller ao mercado de traballo en igualdade de condicións, e tamén das desigualdades (por exemplo nos salarios) que continúa habendo. E tamén de campos nos que a súa presenza segue sendo escasa, sobre todo en postos de responsabilidade.
Nin a Xunta nin a Delegación do Goberno actúan contra o aeródromo ilegal de Caldas
As instalacións, que carecen do necesario permiso da Axencia Nacional de Seguridade Aérea, contan tamén con informes desfavorables de Adif, que alertan do perigo que supón a súa proximidade a un viaduto pola que pasa a liña do ferrocarril. AGE esixe o seu peche.
Un barrio de 'Mar e Ferro'
Radiofusión e o Centro de Promoción Social do barrio de San Valentín (Fene) organizan o vindeiro 15 de marzo unha xornada de intervención artística que cubrirá as paredes deste barrio anexo ao estaleiro de Navantia (antes Astano) de murais alusivos ao mar e á construción naval.
A igualdade de dereitos das ensinanzas artisticas pasa por Santiago e Madrid
Ante as reiteradas negativas da Xunta de dar un paso para asegurar a integración de Música, Arte Dramática, Deseño ou Conservación na universidade, alumnado, profesorado e pais e nais demandarán tamén ante o Ministerio de Educación unha decisión que equipare España co resto de Europa.
O PSdeG-PSOE acusa o PP de "dar largas" para manter ENCE na ría outros 75 anos
A maioría absoluta popular rexeita no Parlamento realizar un informe vinculante que desaconselle a continuidade da empresa contaminante en Lourizán. O PP adía a realización deste estudo á aprobación do regulamento da nova Lei de Costas.
"Rianxeiras vivas fronte a rianxeiros mortos", un ano de Sega
A plataforma de crítica literaria feminista fai un ano denunciando o esquecemento das autoras, das obras realizadas por mulleres e do labor de crítica realizada por elas, por mor da preeminencia de olladas que "ignoran e estigmatizan a escrita e a lectura coñecedora do 50% da humanidade"
24 horas para asegurar a continuidade de 'Oink!'
Este sábado remata a campaña de crowdfunding iniciada hai corenta días polos promotores da revista de banda deseñada en galego para público infantil e xuvenil. Buscaban un número de subscricións suficiente para manter a publicación, e polo de agora o obxectivo segue lonxe.
Denuncian "ocultación" no accidente militar que feriu seis soldados en Ferrol
Veciños do barrio de Ferrol Vello afirman que o artefacto militar que provocou o accidente voou por riba das casas e caeu no peirao de Curuxeiras. Tamén denuncian que a Armada freou a acción dos bombeiros e tentou que o suceso non trascendese. AGE e BNG demándanlle explicacións ao Goberno.
'Eurozone', de Chévere, suma unha ducia de candidaturas nos María Casares
O home almofada, con seis nomeamentos, e As do peixe e Bye, Bye Honey, con cinco, tamén se sitúan entre as producións favoritas. Os galardóns da Asociación de Actores e Actrices de Galicia entregaranse o vindeiro 27 de marzo no Teatro Rosalía Castro da Coruña