Marcos Pérez Pena

A coalición propón que se funda a peza para, co metal resultante, erguer un monumento conmemorativo dedicado ás vítimas da ditadura.

As cabeceiras impresas terán no 2012 o seu peor ano en circulación e publicidade, pero os ingresos xerados polos medios dixitais son aínda testemuñais. As experiencias de pago por ler nos Estados Unidos e nos medios especializados online son nestes momentos a esperanza para manter os postos de traballo.

Estes fármacos, básicos no primeiro mundo, curan o 90% das enfermidades. Farmamundi denuncia a situación, causante de 15 millóns de mortes cada ano, e tamén alerta de que case un millón de persoas se verán privadas de acceso á saúde polos recortes en Cooperación.

Os datos difundidos este mércores e que proban a existencia dunha partícula elemental de gran masa como a anticipada no modelo estándar da física, foron proporcionados polos experimentos ATLAS e CMS. Porén, outro experimento do CERN (o LHCb), no que a USC ten un papel moi importante, será determinante agora para confirmar os achados.

Ugia Pedreira vén de pechar con Marful a Xira Surreal, na que levaron a súa música por unha ducia de espazos singulares de Galicia. Tamén vén de regresar do outro lado do Atlántico, de presentar en São Paulo con Fred Martins o seu disco conxunto Acrobata

Catedráticos e profesores de Xeografía, Dereito ou Bioloxía Mariña impulsan un manifesto pola preservación dos espazos costeiros, contra a modificación de a Lei de Costas, e inspirado por outro de 2006, no que os colexios de Xeógrafos e Arquitectos alertaban dos "efectos para o mesmo equilibrio do sistema financeiro e a actividade económica" do modelo de urbanización.

O filme de Paco León poderase ver o mesmo día da súa estrea nos cinemas a través de Filmin e outras plataformas por 1'95 euros. O director denuncia boicot por parte das distribuidoras.

Preséntase Causa Obreira, unha corrente sindical dentro da CIG, que nace pedindo cohesión interna, maior participación das bases do sindicato e independencia fronte a calquera organización política.

O sábado 30 de xuño tivo lugar unha mobilización de profesionais da informática en Madrid, Barcelona e Zaragoza en demanda de mellores condicións de traballo. A resposta foi moderada, pero os seus organizadores advirten de que "só é o comezo".

O 12 de xullo estréase en Vigo Galicia Canibal, o musical sobre a movida galega, que durante o verán estará tamén en Santiago, Vilagarcía e A Coruña, antes de viaxar a Madrid. Un texto de Fran Peleteiro e Antela Cid posto en escena por Quico Cadaval, con quen falamos. Audio no interior.

A Fundación Barrié presentou un completo informe sobre o sistema científico galego, unha foto fixa que segundo os seus responsables "quere ir máis aló" e servir "para a acción". Os datos indican que Galicia é a 12ª comunidade autónoma en investimento en I+D, e advírtese un forte estancamento nos últimos dous anos

Trátase dunha iniciativa de ADEGA, que leva unha década instalando composteiros caseiros. Este espazo permite os veciños dos edificios próximos deixar aí os seus residuos orgánicos, que se converten en compost.