Miguel Pardo

Ramón Noceda, alcalde de Carnota, censura o "desleixo absoluto" do Goberno galego tras o incendio do verán, advirte dos "espectaculares" danos das escorrentías e anuncia que o Concello prepara xa un plan de actuación á marxe da Administración autonómica.

A taxa de protección en Galicia sitúase no 34,7%, case trinta puntos menos que a taxa de cobertura, que só inclúe os parados rexistrados e non se basea na EPA. Máis de 180.000 desempregados non cobran subsidio ningún.

Francisco Pillado e Lino Braxe deciden retirar seis obras do autor cedidas a unha mostra para protestar pola marcha de Silvia Longueira, apartada da dirección polo Concello da Coruña.

"A situación é gravísima", denuncia a Asociación Monte Pindo Parque Natural e o Concello de Carnota, que acusan de desleixo e de "só querer sacar a foto" á Xunta e que alertan dos danos medioambientais, pero tamén sobre o sector pesqueiro e marisqueiro da zona. 

O deputado de AGE deixa o Parlamento para emigrar a Dinamarca e traballar na investigación científica. "Non é meritorio nin relevante", di, tras recoñecer que en ocasións tivo "dificultades" para se "conter e non contestar as barbaridades que se din na Cámara".

A Pontenova e Castroverde son os últimos en unirse á lista de municipios que asumirán o novo repago nos medicamentos imposto polo Goberno central. A maioría teñen gobernos socialistas ou nacionalistas, pero ata un alcalde do PP decidiu seguir o exemplo que iniciou Riotorto.

Francisco García, alcalde de Allariz e vicepresidente da Fegamp, recórdalle aos deputados galegos do PP que "terán que aclarar por que van en contra" do rexeitamento unánime á lei que os seus alcaldes acordaron co resto de municipios do país.

Nove meses despois da súa visita a Galicia, os europarlamentarios non dan consensuado un texto, ao pretender o deputado conservador obviar a responsabilidade das autoridades na contaminación das rías. 

O proxecto de lei segue adiante ao rexeitarse as emendas á totalidade cos votos de UPN, PNV e PP, que censura as críticas "infundadas" da oposición malia o rexeitamento frontal dos rexedores galegos, tamén dos populares.

Serafín González, presidente da SGHN, investigador do CSIC e un dos líderes na mobilización contra o megaproxecto mineiro de Corcoesto reflexiona sobre a paralización do proxecto e advirte de que "a loita debe continuar".

PSdeG, AGE e BNG apostan por unha reforma que aumente os impostos ás rendas altas e non incida nos máis desfavorecidos e achegan unha morea de propostas contra o empobrecemento, a desigualdade social e o paro.

Dez mulleres manteñen a protesta na Coruña para reclamar que a xustiza e as administracións "protexan de maneira eficiente" as maltratadas e os seus fillos e contra os recortes na atención ás vítimas. Un vídeo gravado por elas recolle duros testemuños nos que denuncian a súa situación.