Miguel Pardo

José Antonio Hermida (Puigcerdá, 1978) é outra das bazas galegas para Londres 2012. “Falo galego e meus pais son galegos”, xustifica este ciclista de montaña nado e criado en Cataluña. Campión europeo e do mundo de campo a través en varias ocasións, a última en 2010, xa coñece o que é a gloria olímpica logo de obter a medalla de prata en Atenas hai oito anos. Agora, afronta os seus cuartos Xogos Olímpicos co obxectivo de poñer un broche de ouro á súa prolífica carreira e celebrar de novo un triunfo simulando un pistoleiro. De aí lle vén o alcume a Pepiño Pistolas, que responde á entrevista en galego, pero que podería elixir. Fala seis idiomas.

O paro aumenta en Galicia a maior ritmo que no Estado e incrementouse nun 11% desde o pasado ano, especialmente entre os máis novos. Desde a volta do PP á Xunta en 2009, o número de desempregados de longa duración multiplicouse por tres e expertos economistas non albiscan melloras: "Non hai unha política económica definida; non hai plan ningún". 

O Goberno presenta uns Orzamentos nos que o pago dos intereses da débeda pública supón o 13,4% do gasto e algo máis de todo o recorte previsto nas contas. O Executivo reduce notablemente as partidas para investimento en I+D e infraestruturas e mete a tesoira sobre todo en gasto social, que se reduce nun 4,3%. Os expertos cren que "afondarán na recesión". "Priman os intereses dun sector económico moi pequeno pero que pesa moito", di Xavier Vence. 

O desemprego aumenta en Galicia un 0,77% ata alcanzar case as 277.000 persoas. O incremento é semellante ao do conxunto do Estado, pero a evolución en termos interanuais (+11%) é peor que a media estatal (+9,6%). 

Unhas 800 persoas concentráronse este luns diante do Concello de Pontedeume para conformar a Plataforma para a Defensa das Fragas do Eume e en en protesta pola xestión do incendio que arrasou unha parte deste bosque atlántico. Nas sete cidades galegas e en moitas vilas tamén houbo concentracións, nas que se demandou unha nova xestión forestal e dimisións políticas. Galería no interior

Adega, SGHN e Verdegaia rexeitan as teorías conspiradoras, insisten na escaseza de medios e censuran a "falta de transparencia" do Goberno galego arredor do parque natural. "Non sabemos nin cantos propietarios hai, nin canta xente vive, nin canta xente traballa no seu coidado; non temos nin unha cartografía detallada da zona", explican. 

O Executivo sobe impostos por 12.300 millóns e aplica o maior axuste da democracia, de 27.300 millóns de euros. Montoro anuncia unha "regularización da fraude" que consiste en legalizar as rendas non declaradas pagando unha taxa do 10% e evitando calquera tipo de sanción. En 2010, os populares consideraban esta amnistía "unha ocorrencia impresentable".

As cidades galegas enchéronse de xente o 29-M. Atendendo aos datos facilitados polos sindicatos e as policías locais, o número de manifestantes en Vigo e A Coruña foi o maior do Estado en termos porcentuais, xa que tres de cada dez habitantes terían asistido ás marchas das principais centrais. 

As centrais galegas destacan o "rotundo éxito" do paro e das manifestacións en Galicia, advirten que continuarán coas protestas e reparan no alto nivel de mobilización do país en comparación con outras comunidades autónomas. Falamos con Suso Seixo (CIG), José Manuel Sánchez Aguión (CC.OO.), José Antonio Gómez (UGT) e Ricardo Castro (CUT).

Os sindicatos falan de mobilizacións "históricas", con centos de milleiros de galegos e galegas nas rúas. Vigo viviu as marchas máis numerosas, con 200 mil manifestantes, segundo os sindicatos, cifra que a policía rebaixa a 105 mil en total. Pero tamén A Coruña tivo unha participación masiva, máis de cen mil persoas segundo os sindicatos, un éxito mesmo recoñecido polo Concello, que contabilizou 60 mil. E de igual xeito en Ferrol (50 mil), Compostela (40 mil), Pontevedra (25 mil), Ourense (15 mil) ou Lugo (15 mil), segundo as centrais convocantes. Máis aló da guerra de cifras, a participación rebordou as expectativas e foi moi superior á rexistrada nas mobilizacións laborais da última década. Nas rúas e prazas houbo ambiente de festa e de primavera das persoas. Galería de imaxes no interior.

"Apoio masivo" e "éxito" son as primeiras valoracións das centrais, que se congratulan pola participación unánime dos traballadores da gran industria do país, dos portos e lonxas e mais do transporte, así coma do ensino, e sitúan o seguimento global nun 90%. No conxunto do Estado, os sindicatos cifran nun 85% o seguimento do paro. O Goberno non ofreceu datos, pero cualifica o seguemento do paro de "baixo" e inferior ao da folga xeral de 2010, aínda que a propia CEOE recoñece un "alto seguimento" na industria, no norte de España e nas grandes cidades. A Xunta fala dun 35% na administración autonómica (por un 90% dos sindicatos). O consumo eléctrico é máis dun vinte por cento inferior ao do pasado xoves e semellante ao dun domingo. 

Galicia afronta a súa décimo cuarta folga xeral. E faino cunhas taxas de desemprego sen precedentes e contra unha reforma laboral do Goberno central que os sindicatos cren que desprotexe e precariza aos traballadores. CCOO, UGT, CIG e CUT son optimistas e confían no "éxito" do paro e das mobilizacións.