Praza Pública

Tras o expediente aberto a dúas candidatas de Amoeiro, a Xunta Electoral terá que resolver sobre demandas semellanes en Sandiás ou Vilardevós. O PSOE alerta en Xinzo do sospeitoso aumento de solicitudes de voto por correo. 

O líder de Anova apoia a Martiño Noriega no primeiro dos debates que organiza a plataforma cidadá e insiste en que a confluencia electoral en candidaturas é "o futuro" e agarda que a fórmula se estenda para futuros procesos electorais. 

Visto para sentenza o xuízo ao activista da asociación O Iribio, a quen a cementeira reclama 45.000 euros por "danos e prexuízos no seu honor" tras criticar os polémicos traballos que organizacións e partidos políticos denuncian por danar o patrimonio cultural, paisaxístico e arqueolóxico.

O Partido Popular achegou cando menos 500 millóns de pesetas desde Madrid ao PPdeG para os actos de 1989, ano da primeira vitoria de Fraga no país, segundo os papeis de Naseiro. Gastou o dobre do límite imposto polo Estado, de 235 millóns, e o partido declarou que só investira 199. 

No monólogo, o actor relata a historia recente, dende a Ditadura, pasando pola Transición, o ascenso do PSOE ao poder e a progresiva privatización dos servizos públicos, para entender como chegamos á crise actual

As forzas políticas abren esta medianoite a campaña das eleccións municipais. Mapa no interior dos primeiros actos da carreira electoral.

Varias entidades organizan este sábado na Coruña unha 'performance' para denunciar as a "hipocrisía da UE e dos diferentes Estados"ante as traxeidas que "están converter o Mediterráneo nunha fosa común"

O movemento está a celebrar asembleas e accións para poñer en valor a traxectoria da Casa. A vindeira semana fará públicas unha serie de iniciativas e reivindicacións, que comezan pola petición de dimisión da coordinadora de actividades do centro

Decanos e decanas de todas as facultades galegas de Humanidades e Artes leron este mércores en Compostela o Manifesto de Salamanca, unha declaración en defensa do ensino público en xeral e desta área en particular.

Este martes presentouse a duodécima edición do festival, que contará con José Luis Cuerda como estrela convidada e que, entre o 20 e o 23 de maio, ofrecerá moito cinema e moitísima música, con máis de vinte concertos.

O grupo popular rexeita a proposta do BNG para elevar a rango de lei o Plan Xeral de Normalización e acusa os nacionalistas de "rachar con todos os consensos sobre a lingua" e de "querer converter a lingua en centro de confrontación política". 

Ademais do Congreso da AIEG, celebrado en Bos Aires, houbo encontros académicos en Irlanda, Polonia, Portugal, Reino Unido, Brasil, Estados Unidos e Francia. Alemaña e Estados Unidos organizarán tres importantes eventos máis nos vindeiros meses