Cultura

O Colectivo Cultural A Nave das Ideas quere deste xeito homenaxear o editor e impresor de Cantares gallegos, obra da que se celebran os 150 anos da súa publicación.

Está circulando pola rede un manifesto en defensa das editoras en galego impulsado por Héitor Picallo, que recolle sinaturas de apoio até este xoves. O texto lembra o peche recente d'A Nosa Terra e alerta sobre novas desaparicións de selos históricos.

O académico presenta oficialmente a súa candidatura á Academia e insta a Manuel González a propoñer dous nomes para completar o seu equipo directivo.

Verbena galega é un proxecto de Culturactiva SCG para "galeguizar" as festas. A oferta inclúe un tráiler, un grupo de música tradicional, un de "pachanga" e un picadiscos para o remate da festa. Grupos como Pandeiromus, A Compañía do Ruído ou O Sonoro Maxín forman parte do cartel.

Armando Requeixo analiza o libro de Félix Caballero, O humor galego alén da retranca, que percorre elementos como a súa definición, a súa concreción galega, a influencia que sobre do noso humorismo está a ter a globalización, a presenza do humorístico na TVG

A Aula Castelao abre este luns a trixésima edición da Semana de Filosofía, que se desenvolverá até o venres. Esta convocatoria xirará ao redor do eixo temático Filosofía e Memoria

Montse Dopico consulta con investigadores e expertas na obra de Rosalía as distintas explicacións que se propoñen para entender as razóns polas que a poeta decidiu nun momento dado deixar de publicar en lingua galega.

Tomar distancia. Reenfocar a mirada para observar os humanos desde fóra de si mesmos. É o camiño que a escritora Estíbaliz Espinosa emprendeu no seu primeiro poemario individual. E dese mesmo abraio polo texto, pola páxina, arranca o seu novo libro: Papel a punto de.

Dolores Vilavedra analiza a última novela de Francisco Fernández Naval, que percorre a experiencia dos voluntarios galegos na División Azul nun documentado volume que publicou Xerais.

A gala dos María Casares deixou críticas á xestión cultural do Goberno galego, chanzas sobre o Gaiás, moitos gañadores individuais: Marta Pazos Ánxeles Cuña ou os responsables de Nuncabunga, e un colectivo: o teatro. E unha chamada a seguir loitando: "non nos deixemos avasallar por este ataque de mediocridade". Audios no interior.