Ferrol acolle unha nova edición da Semana de Poesía Salvaxe. Tres días de recitais, performaces e pasarrúas, a cargo de Ana Gorría, Tiago Gomes, Alba González, Carlos Oroza e os xa habituais Víctor Díez, Guillermo Ferrández e Karlotti.
Volven Los Enemigos. Despois de dez anos da súa xira de despedida, regresan nunha revolta que os traerá dúas veces a Galicia: a finais de xuño no Derrame Rock de Ourense, e este venres en Vilagarcía, nun Festival do Norte que reúne un ano máis unha selección do mellor pop do Estado: Fangoria, Love of Lesbian, La Casa Azul, Klaus & Kinski, El Columpio Asesino, Pegasvs ou os composteláns Disco las Palmeras. Falamos con Chema, batería da banda.
A Coordinadora de Asociacións Profesionais do Audiovisual Galego, integrada por guionistas, directores, técnicos e actores e actrices, critica así mesmo a "ausencia dunha política clara" por parte da Xunta
Os muradáns Terbutalina serán os protagonistas do Festival Vitaminas para o Galego, que se celebrará este venres na Gentalha do Pichel, en Compostela, e que busca chamar a atención sobre a necesidade de potenciar os medios de comunicación en galego.
A súa obra Poema sinestésico para tres voces e un can foi escollido polo xurado, mentres que o premio da audiencia foi para Intercom-baby, de Marián Bañobre e Santiago Cortegoso. Ironías, de Carlos Losada Galiñáns, e Quendas, de Zé Paredes, finalistas, tamén serán editadas nun libro-cd, que publicará Xerais. O Salón Teatro de Santiago acollerá o 15 de maio a lectura pública das obras, nunha nova edición do Espazo Radioescénico.
O profesor e tradutor Manuel Outeiriño vén de presentar en Compostela o seu libro Globalización e imperialismo cultural (Galaxia, 2011), un compendio de artigos que furan nun dos conceptos máis analizados nas últimas décadas. Esta obra, que verte ao galego textos de autores como David Held, Arjun Appadurai ou Alex Callinicos, pretende ser, segundo o autor, un achegamento inicial ao concepto da globalización
Alén do contexto de crise, o que está a ocorrer no mundo da arte é que experimenta, nos últimos anos, unha fonda transformación. Deste xeito, o sistema anterior queda obsoleto, mentres o novo está aínda por construír. É o profesor da Universidade da Santiago Antonio Garrido quen achega esta reflexión, que pode servir para encadrar o debate xerado no Consello da Cultura nas xornadas sobre o estado da cuestión da Arte Contemporánea en Galicia.
Amores Prohibidos 2.0, a última obra de Chévere, leva o teatro ás redes sociais do 23 ao 27 de abril. A historia, unha versión de Romeo e Xulieta co conflito lingüístico como contexto, é narrada e desenvolvida por alumnos do IES A Cachada de Boiro a través de videos en youtube e valéndose de Facebook, Tuenti e Twitter. É a primeira experiencia deste tipo no Estado.
Arte no galpón. No antigo galiñeiro, transmutado en cubo branco que nace da terra. Nun remolque no medio da floresta. Arte pendurada das árbores, en diálogo co paso do tempo. Pouco glamour, mais moitas ideas. Moita vontade de facer cousas, de ofrecer aos artistas un espazo intermedio entre os grandes contedores institucionais e as galerías. Así pode definirse FAC Peregrina, o Furancho da Arte Contemporánea que acolle a parroquia compostelá da Peregrina.
Lisabö actuarán este sábado na sala Karma de Pontevedra, na festa de aniversario de Desconcierto. Adorados pola crítica e envexados por músicos e bandas, o seu último álbum, Animalia Lotsatuen Putzua, foi escollido por Rockdelux como o mellor disco español do 2011.
O secretario xeral de Cultura rexeita falar de "crise" no Centro Dramático Galego “porque é algo esaxerado”. Para Lorenzo “o único que ocorre é que houbo un cambio na dirección, había unha directora e agora hai outro”. Non quixo tampouco valorar as declaracións de Guede nas que cualificaba de “mentira repetida” o nomeamento da súa predecesora, Blanca Cendán.