Cultura

This is not a film é o contestatario e ousado exercicio metafílmico, a materialización dunha non-película por parte dun director, Jafar Panahi, a quen se prohibe facer películas, un subversivo e loable acto de resistencia contra a opresión dun réxime totalitario e intolerante. Un proxecto tan arriscado e clandestino que, di a lenda, logrou atravesar as fronteiras de Irán e chegar ata Cannes nun pen-drive agochado no interior dunha torta. Unha colaboración d'A Cuarta Parede.

As Ataque Escampe fan dez anos, pois aínda que o grupo comezou a ser coñecido a partir de 2007, dende o 2002 levou a cabo un proceso (aínda máis) underground e amateur de formación. Esta noite celebrarano na Sala Moon de Compostela, cun concerto no que repasarán as súas cancións máis coñecidas de todas as épocas.

As subvencións que concede AGADIC terán un orzamento de 1.290.000 euros en 2012, por 1.370.000 do 2011 e 2.100.000 en 2010. A Axencia tamén convocou este xoves as axudas á produción audiovisual, cunha contía de 2.9 millóns, o mesmo que o ano pasado, pero moi lonxe dos 4.9 millóns de 2010.

O novo director, que xa ocupou o cargo nos gobernos de Fraga, afirma que  buscará recuperar “os principios fundacionais” da institución, asegura que o concurso público de Blanca Cendán foi “unha mentira repetida” e anuncia que en quince días explicará as súas liñas de traballo no que non haberá espazo para “experimentos” e no que habera un diálogo con Portugal.

Que Marcos Nine estea a presentar o seu filme La Brecha no Festival Internacional de Cine Independente de Bos Aires (BACIFI) é unha proba máis de que o Novo Cinema Galego non é só unha etiqueta, senón unha realidade que está a dar os seus froitos. E aínda máis. É un síntoma de que o cine experimental atopou o seu espazo no noso país. “O que está a pasar é que, por unha vez na historia, non chegamos con retraso, senón ao mesmo tempo que os demais, con autores de éxito internacional como Óliver Laxe ou Xurxo Chirro”, salienta o crítico Martin Pawley.

Coa dimisión do alcalde compostelán polas súas débedas con Facenda péchanse quince días dun espectáculo que pouco axudou á imaxe da cidade. No especial dedicado a este tema podedes seguir a evolución dos acontecementos, dende a prohibición de que Leo Bassi actuase no Teatro Principal, as revelacións sobre o fraude cometido por Conde Roa ou o acto convocado polo cómico italiano no Obradoiro, que podedes ver neste vídeo.

Das películas rodadas entre o 2000 e o 2006, só o oito por cento foron dirixidas por mulleres. A representación feminina acadou un 20 por cento na montaxe, fronte ao 37 por cento na interpretación. Son algúns datos recollidos no estudo Cine y género en España, impulsado pola Asociación de Mulleres Cineastas e dos Medios Audiovisuais (CIMA). Tamén o Dicionario de Cine de Galicia 1896-2008' amosa un cativo número de nomes de mulleres realizadoras.

Labregos do tempo dos Sputniks doarán os mil euros que recibiron por actuar na Cidade da Cultura á escola galega Semente. A formación participou esta fin de semana nunhas xornadas dedicadas a Celso Emilio Ferreiro.

Un mozo emprende a viaxe cara América desde a súa aldea. Coa mala sorte de que, coa emoción das despedidas, demora máis da conta e perde o coche de liña. Non lle queda máis remedio que esperar polo camión do leiteiro. Sentado na súa maleta de emigrante, cavila sobre a súa vida. Acompáñano na espera unha vendedora de figos e un pai que quere levar ao seu fillo miope ao oculista. Así comeza Esperando o leiteiro, (Galaxia), a nova novela de Xosé Neira Vilas. O autor volve ollar, nesta obra, á emigración da Galicia rural desde a perspectiva dun rapaz. Mais, desta volta, é o humor o aliado da súa capacidade para retratar a realidade socio-política do seu país.

As Xornadas Literarias do Concello de Neda, organizadas conxuntamente coa Facultade de Humanidades de Ferrol, estudan durante tres días unha figura da literatura universal, de Joyce a Virginia Wolf ou Kafka. Nesta ocasión, o protagonista será a poesía de Bob Dylan, que será analizada por Manuel Candelas (Universidade de Vigo), Vicente Araguas, que publicará este ano unha escolma de cancións de Dylan traducidas ao galego, César Candelas, ou o ex conselleiro de Cultura, Roberto Varela, recoñecido dylaniano.