A Mostra Internacional celebrará unha nova edición do 21 ao 28 de xullo e abrirase cunha versión do Huis Clos (A porta pechada) de Sartre. Tamén se presentou este martes o Culturgal 2012, que acollerá Pontevedra do 30 de novembro ao 2 de decembro.
Daniel Landesa creou hai un tempo un certame de microrrelatos no seu blogue. A iniciativa tivo éxito e nela participaron moitos internautas, e entre eles algúns escritores e escritoras recoñecidas, coma Mario Regueira, Rubén Ruibal ou Fran Castiñeira. Ofrecémosvos un breve libro que compendia todos aqueles contos, exemplos dunha cultura cativa e orgullosa de selo, porque "como cultura cativa facemos moito e ben".
A lingua, o seu uso nos medios de comunicación e o reto das redes centraron o discurso de ingreso de ingreso de Xosé Luís Regueira na Real Academia, titulado Oralidades: reflexións sobre a lingua falada no século XXI e que foi respondido por Manuel González. Descarga os discursos íntegros.
Alfredo Pardo analiza en Qadriños, o blog de banda deseñada de Praza, o tratamento dado aos personaxes de raza negra nos tebeos ao longo da historia.
O clan do oso das cavernas é a novela que abre a saga das aventuras de Ayla, a muller cromagnon, sendo nena, queda soa no mundo ao perder á súa tribo nun arrepiante terremoto. Por sorte para ela, un grupo de neanderthalenses atópana ás portas da morte e a súa curandeira consigue salvarlle a vida. Así comeza a serie que fixo que millóns de persoas puidesen vivir a Idade de Pedra como nunca antes fora posible. Praza ofrécevos os dous primeiros capítulos.
Este sábado comeza en Vigo a segunda edición do Festival Émundial, que durante tres semanas traerá a Vigo concertos, mesas redondas ou obradoiros. Porén, este venres o Concello desvinculouse da organización "sen dar explicacións", segundo AGAL, que denuncia "boicote". A inauguración do festival e os eventos desta fin de semana, comezando polo Encontro de Escritores da Lusofonía, trasládanse da Casa Galega da Cultura ao Hotel Bahía.
O austríaco é unha das lendas vivas do cinema experimental de vangarda, que propulsou dos EUA ao mundo xunto a Jonas Mekas, Stan Brakhage e algún outro colega de xeración, aló polos anos 60. Non contentos con mostrar a súa obra completa nunha sesión este venres, o S(8) e o CGAI tráeno á cidade herculina para que imparta o sábado unha clase maxistral sobre o seu concepto da metáfora comestible.
No programa destaca ademais a retrospectiva dedicada a Peter Kubelka, a estrea en España de The Pettifogger, de Lewis Klahr -un dos máis recoñecidos creadores da animación contemporánea-, os encontros que Alberte Pagán manterá co público ou a proxección dos primeiros Super8 de La Cuadrilla (Santiago Aguilar, Luís Guridi e Raúl Barbé)
Os contidos desta nova edición, centrada desta volta no conto popular galego-portugués, poderanse seguir en vídeo a partir das dez da mañá deste venres, 1 de xuño. Participaron centros de ensino de Galicia e Portugal, mais tamén de Cuba, Chile, Colombia ou Brasil. Na emisión participarán así mesmo expertos e contacontos coma Candido Pazó, Lisete Ferreira, Anxo Moure, Tim Bowley, Avelino González, Clara Haddad, Paula Carballeira, José Craveiro, Celso Sanmartín ou Carlos Blanco.
O colectivo de músicos, entre os que destacan Karlos Osinaga (Lisabö), Roberto Herreros (Grande-Marlaska) ou Nacho Vegas, e que aposta por facer canción política "e populista" cos instrumentos do pop, comezou unha campaña de procura de fondos vía crowdfunding.
Ofrecémosvos o primeiro capítulo de O día que morreu Steve MacQueen. Unha novela de Xabi Ribax, un libro de Kiko Neves editado o pasado ano polo colectivo A Porta Verde do Sétimo Andar e que pasou "inxustamente desapercibido", segundo os seus promotores.
O Concello da Coruña celebrará o 25 de agosto o segundo centenario do camposanto, que vén de ingresar na Rede de Cemiterios Singulares de Europa cun recital poético musical no que participarán Rosa Cedrón, Xoel López, Sito Sedes e Paco Lodeiro.