Concello, RAG e Xunta homenaxearon o empresario, poeta e políticos, nuns actos aos que asistiu numeroso público e nos que interviron Xavier Vence, Manuel Rivas, Ramón Villares, Xosé Ramón Barreiro ou Xesús Alonso Montero, ademais de Méndez Ferrín, Abel Caballero, Alfonso Paz-Andrade ou o presidente da Xunta Alberto Núñez Feijoo.
A Real Academia Galega, a Coordinadora de Equipos de Normalización, a CRTVG, Cultura Galega, a Fundación Barrié ou dous proxectos en GalegoLab presentan propostas ou contidos especiais ao redor do 17 de maio. Destaca, principalmente, o Caderno realizado pola RAG, en colaboración coa AELG, a AGE e outras entidades e que compila 50 cartaces e 50 textos dedicados ao medio cento de autoras homenaxeadas e realizados por outros tantos deseñadores e escritores de todas as xeracións.
“A gran celebración será facelo”, adianta Miguelanxo Prado, director dun Salón do Cómic que sufriu atrasos na súa organización. “Seguramente houbo problemas de comunicación coa Concellería de Cultura”, admite Prado, quen tamén recoñece que, pese os recortes que vaia haber, “o núcleo duro do Salón manterase”.
En obras como Galicia como tarea (“o grande manifesto político e económico do nacionalismo progresista”, segundo Ferrín) ou La marginación de Galicia, o autor realiza unha análise da situación económica de Galicia e un programa sistemático de industrialización. O propio Beiras asegurou que “o cadro diagnóstico deseñado por Valentín hai dez lustros segue a describir aínda hoxe a patoloxía endémica deste país”
A obra do serbio Dusan Kovacevic montarase en coprodución coa Companhia Teatral de Braga e terá un custe "bastante" inferior ao da peza prevista polo anterior equipo xestor do Centro Dramático, aínda que non se quixo dar unha cifra exacta. Ademais, anunciouse que representantes do sector das artes escénicas participarán no Consello Asesor do CDG.
A optimista reflexión do escritor Marcelino Fernández Mallo, que di que cando unha persoa decide comezar a usar o galego "despois non pode parar", convídanos a pensar sobre a normalización do idioma e os ataques que vén recibindo nos tres anos de goberno de Alberto Núñez Feijoo nun vídeo elaborado por Xosé Bocixa en conversa con Lois Dieguez, Xurxo Souto, F. Xosé Fernández Naval, Antía Otero, X. R. Freixeiro Mato, Dores Tembrás, Estibaliz Espinosa, Pilar Pallarés ou Ánxeles Penas.
Luís Seoane e Valentín Paz-Andrade compartían unha mesma arela de afrontar o tema da emigración desde unha perspectiva épica. Seoane escolleu cantar á loita dos heroes con nome e apelidos. E Paz-Andrade optou polos seres anónimos esquecidos, por un protagonista colectivo que é un pobo cuxa identidade se forxou, en boa medida, na súa historia nómade.
O intérprete Antonio Durán Morris recibirá o premio Pedigree 2012 da IX edición do Festival de Cans, que se celebrará entre o 23 e o 26 de maio. O actor, que vén de recibir o Premio Mestre Mateo á mellor interpretación masculina por Doentes, recoñece a súa satisfacción polo galardón dun festival, Cans, que viu “medrar dende os comezos”. Praza aproveita a ocasión para falar co actor do sector audiovisual, das artes escénicas, do CDG, de Vidal Bolaño e, como non, da omnipresente crise.
A situación política e social actual de Paquistán é preocupante, e iso tamén se reflexa na súa produción cultural. Mentres unha rica cultura popular esmorece, outras formas de expresión contemporáneas non de masas quedan confinadas a unha minoría que vive nas grandes cidades.
Case un milleiro de persoas encheron este xoves o Auditorio de Galicia nun emocionante concerto que lembrou a José Afonso e actualizou os seus temas. Coma o propio Zeca dixo hai anos homenaxe que lle ofreceran en Braga: “Importa manter a capacidade de indignación, e sermos capaces de rexeitar a hipocrisía dos detentores do poder”