O país acumula máis de 4.200 desaloxos dende comezos de 2013. No terceiro trimestre do ano descenderon os lanzamentos en propiedades alugadas pero aumentaron os hipotecarios. Feijóo retrucou a demanda de Cáritas a prol da vivenda digna alegando que hai prazas libres "nos albergues".
Case 160.000 persoas abandonaron Galicia dende o ano 2008. O país acumula case tres anos cun saldo migratorio negativo tanto con outras autonomías como co resto do mundo.
Traballadores da factoría coruñesa impiden a saída de camións con aluminio da fábrica e aumentan as accións de protesta ante unha semana fundamental para os 400 operarios ameazados cun despido colectivo en Galicia. O venres haberá unha gran manifestación na cidade.
A multinacional do aluminio aposta por pechar a fábrica da Coruña e a de Avilés e prescindir dos 400 traballadores de cada planta logo de non acadar os incentivos nunha poxa que defende o Goberno central, que bota a culpa á compañía.
A representante do Bloque na Eurocámara, Ana Miranda, leva á capital comunitaria unha delegación de patróns maiores e xeiteiros para que expoñan "directamente" a importancia de que esta centenaria arte de pesca non sexa prohibida pola Comisión.
O país conta con 4.588 persoas máis rexistradas nas oficinas de emprego, fronte ao descenso do desemprego no conxunto do Estado. É o terceiro incremento consecutivo na comunidade autónoma.
O Goberno galego teima no traslado de gastos dun ano a outro mentres o Consello de Contas volve advertir que esta práctica "supón o incumprimento do principio de anualidade orzamentaria" que marca a lei. O Executivo non atenderá en 2014, agás en servizos esenciais, ningunha factura posterior ao 14 de novembro.
A maioría absoluta dos populares bota atrás unha proposta de AGE para prohibir o uso deste perigoso elemento nas minas galegas, xusto un ano despois de que rexeitara outra proposta semellante do BNG que, como nesta ocasión, foi apoiada por toda a oposición.