Economía

A mobilización, coordinada a nivel estatal por Adicae, non se viu apagada malia ás promesas políticas que apuntaban a unha solución inminente ou ao arbitraxe para os "estafados". Vigo e A Coruña acolleron as protestas máis numerosas amais das que se desenvolven practicamente cada día a nivel comarcal por parte dos afectados por Novagalicia Banco.

O Goberno galego financiará o 55% do proxecto de gasificación da factoría da multinacional estadounidense na Coruña mentres os traballadores se mobilizan contra a regulación de emprego que comezará en abril. Segundo o cadro de persoal, a situación da factoría é "crítica" pola falta dun contrato enerxético. Audio no interior.

O presidente da Xunta traslada ao Estado e á UE a responsabilidade de activar "máis resortes" contra a escaseza de chuvia. Mentres o titular do Goberno plantaba unha árbore na Cidade da Cultura, Verdegaia esíxelle "unha política forestal que defenda o bosque galego"

A CIG e CCOO rexeitan por "abusivos" os servizos mínimos decretados de maneira "unilateral" pola Consellería de Sanidade. Comisións solicitará xudicialmente a retirada dos mesmos

Os buques de artes menores no Cantábrico e os atuneiros conxeladores teñen unha idade media superior aos vinte anos

A compra masiva de forraxe para alimentar o gando prende as alarmas nas explotacións gandeiras. Os sindicatos agrarios ven "irrisorio" que a "única saída" que propón a Xunta sexa adiantar o pagamento das axudas europeas a través de avais a préstamos bancarios. 

A banca española reduciu o volume de crédito concedido en 12.873 millóns de euros o mesmo mes en que tivo acceso a unha liña de crédito de 500.000 millóns do Banco Central Europeo. É máis rendible o financiamento aos concellos para os pagos a provedores e a compra de débeda soberana que o financiamento a familias e pemes

"Enterámonos de que había necesidade de sangue e decidimos doala". Os empregados da multinacional seguirán mobilizándose con accións de protesta e solidarias para garantizar a actividade na factoría coruñesa. "Que non che rouben o sangue, dóaa", foi o seu lema para este luns

Ao incremento do PIB rexistrado durante o pasado ano sumouse unha caída na remuneración dos asalariados. Fronte a unha menor remuneración da forza laboral se produciu unha suba considerable do beneficio empresarial

Segundo a Comisión Europea, o linde de rendibilidade dun aeroporto conséguese ao superar o millón e medio de pasaxeiros cada ano. Dos tres aeroportos galegos só o de Lavacolla, en Santiago, supera esa cifra. Dos 49 aeroportos cos que conta Aena na súa estatística anual, só 17 serían rendibles. Galicia foi, segundo a Comisión de Competencia, a terceira comunidade que máis fondos lles destinou ás aeroliñas en convenios "turísticos" ou de "publicidade" con 22.697.448 euros entre 2007 e 2011.

Un estudo coordinado polo afamado economista Barry Eichengreen, de Berkeley, demostra que os periodos prolongados de caída da actividade económica aumentan a simpatía cara formacións antisistema de extrema dereita ou cara as súas mensaxes. Próbao con datos da Gran Depresión dos anos 30. Outro estudo de Markus Brückner aplica esa mesma teoría á actualidade