Eleccións 21-O

O candidato do BNG contrapón medidas como o pagamento da paga extra ao persoal do Concello de Pontevedra co "libro en branco" que, di, supuxo a xestión do PP na Xunta

O líder de Anova asegura que a coalición "non se trabucará de inimigo" e cre "imbécil" a Feijóo por afirmar que, se o PP perde a maioría, en Galicia reinará o "desgoberno"

A CIG denuncia que a Administración está a "forzar os seus traballadores a facer campaña a prol do PP". "A Xunta traballa ao ritmo e en función da campaña electoral", denuncian fontes coñecedoras das denuncias, que advirten da paralización de expedientes sancionadores ou da aceleración de procesos "que teñan repercusión positiva" na sociedade.

Directivos do Goberno galego integrados nas candidaturas conservadoras desenvolveron actos oficiais durante tres días tras o Consello que os destituíu. A conselleira de Traballo, cabeza de lista na Coruña, denunciada na Xunta Electoral polo PSdeG.

Os socialistas coidan que o candidato á reelección "mente ata cando di que non mente" mentres o PP evita aclarar se pactaría con Mario Conde

A central nacionalista asegura que desde o Goberno "se están poñendo funcionarios a traballar na campaña electoral e a elaborar e manipular informes para atacar a oposición".

O BNG aposta por actos de pequeno formato que implican diálogo directo entre o seu candidato á Xunta e a veciñanza de diversas poboacións do país

O presidente e candidato á reelección asegura en Montevideo que aprobará a Lei de Galeguidade neste ano e gábase de terlles proporcionado asistencia sanitaria aos emigrantes. Pachi Vázquez chega a Bos Aires e lembra o peche do centenario Hospital Galego da cidade.

As primarias de Compromiso sitúan o seu secretario xeral como aspirante á Presidencia e número un na Coruña. Cuiña, Pérez Bouza e Marrube encabezan as listas de Pontevedra, Ourense e Lugo.

Os responsables de campaña das tres forzas parlamentarias abordarán a organización de dous encontros 'cara a cara' sen que estea pechada, polo momento, a porta a organizar algún máis

O Consello Nacional da formación aprobou por ampla maioría as candidaturas para o 21-O. Jorquera fixo fincapé en que Galicia debe "dar un paso adiante" ao igual que Euskadi e Catalunya.

O seu partido, Sociedad Civil y Democracia, celebrou o seu congreso no Pazo de Congresos de Compostela, que rexistrou media entrada. O ex banqueiro será o número un pola Pontevedra, mentres que Francisco Javier Fernández Tarrío encabezará a lista pola Coruña despois de abandonar a Executiva provincial do PP.