Palabra, música, análise e uns resultados electorais sorprendentes. Foron os principais ingredientes que o pasado 25 de maio configuraron a estrea de Radio Praza, a emisión radiofónica lanzada dende Praza Pública para seguir os comicios ao Parlamento Europeo que agora está dispoñible para a súa escoita en rede. Audio íntegro no interior.
O presidente da Xunta atribuíra nun primeiro momento a perda de 200 mil votos dos populares en Galicia á "desmotivación", mais este mércores concedeu "un peso non menor" aos escándalos de corrupción. Chamou a facer "autocrítica dende a vitoria"
A resposta na rúa contra a mina de Corcoesto, as obras no río en Sarria ou a incineradora do Irixo disparou a abstención nos municipios afectados, onde se desmobilizou moito electorado popular pero se consolidou o do BNG e se asentou o apoio a AGE.
Paula Quinteiro, candidata galega da nova formación, chama a aproveitar o "revulsivo das esquerdas" que supuxo a irrupción de Podemos e á confluencia de forzas. "Con AGE, pero sobre todo con Anova, compartimos nova cultura política e temos moitas coincidencias", di.
A esquerda parlamentaria batiu o PP nas eleccións europeas, que deixan no agregado das sete urbes un panorama no que a suma de AGE, Podemos e BNG aglutina máis apoios cidadáns que os conservadores ou os socialistas. Só en Lugo e Ourense os populares tiveron máis sufraxios que as forzas de esquerda rupturista e todos os electorados urbanos apoiaron máis ás opcións progresistas que á dereita.
Populares e socialistas céntranse no mal resultado do seu rival para sacarlle consecuencias positivas aos seus malos datos nas europeas, malia que din "tomar nota", e coinciden co BNG nas dúbidas sobre o futuro de Podemos, no que AGE ve unha oportunidade para unir forzas.
O inesperado éxito da formación varía de novo o panorama político en Galicia pero tamén o dun movemento sen case estrutura no país que recoñece da "complexidade" do futuro e que chama á "confluencia" da esquerda para acabar de vez co bipartidismo PP-PSOE.
Os pouco máis de 350.000 votos colleitados polos conservadores o 25-M achéganse ao seu chan electoral no país, onde non baixaran do medio millón dende a súa fundación en 1989. PSdeG e BNG acumulan caídas reiteradas dende as municipais de 2011