A redacción de RTVE protesta tras bloquear o PP o concurso público para renovar os órganos de dirección do ente, que os populares pasaron a controlar a través da reforma que impulsaron en solitario en 2012. Todos os demais grupos do Congreso apoian a modificación. (Imaxe: Xabier Fortes)
Os traballadores da Xustiza votan desde hai hora e media se aceptan a proposta acordada entre a Xunta e catro dos tres sindicatos con representación no comité de folga e se pon fin á folga que cumpre hoxe 80 días. Ao tempo, asembleas de funcionarios en contra estanse a celebrar tamén en varias cidades con importante afluencia.
Catro dos sete sindicatos da Xustiza (UGT, CC.OO., SPJ e CSI-F) aceptan a última oferta da Xunta para poñer fin á folga, que será sometida a votación do persoal. A proposta non é secundada por Alternativas na Xustiza-CUT, CIG e STAJ. A xuntanza desta mañá rematou entre unha forte tensión entre os representantes sindicais. Consulta aquí toda a información
O movemento feminista galego convoca concentracións para esta tarde en protesta pola suavizada sentenza do xuízo contra a manada. De momento, hai convocatorias en Vigo, Ames, Compostela, Lugo, A Coruña, Pontevedra, As Pontes, Ourense, Noia, Ferrol, Vilagarcía, Cangas, Viveiro e Vilalba.
A Audiencia de Navarra condena a manada a nove anos de cadea por abuso sexual e exime os acusados do delito de violación. Os feitos tiveron lugar en xullo de 2016, durante as festas de San Fermín en Pamplona, cando unha moza denunciou ter sufrido unha agresión sexual por parte de cinco homes.
#EPA O paro aumentou en Galicia en 4.400 persoas no primeiro trimestre do ano ata as 186.500, 30.600 menos que un ano antes. No mesmo período o emprego reduciuse en 5.700 persoas ocupadas e o total da ocupación queda en 1,05 millóns, 16.500 máis que no mesmo trimestre de 2017, o que indica unha nova redución da poboación activa. Consulta aquí toda a información
Quedan en liberdade como investigados dous veciños de Gondomar duns 50 anos detidos como supostos autores dun dos maiores incendios da vaga do 15 de outubro, o que se iniciou na parroquia de Morgadáns desa vila e se estendeu ata Vigo e Nigrán.
O PNV votará a prol dos Orzamentos Xerais do Estado tras pactar co PP unha suba de pensións. Está a contalo eldiario.es
Dimite Cristina Cifuentes como presidenta da Comunidad de Madrid tras a filtración da súa suposta implicación nun furto nun supermercado hai sete anos que encadra nunha "campaña de acoso e derrubamento" contra ela. A líder popular levaba máis dun mes cuestionada polo escándalo do seu máster fraudulento, revelado por eldiario.es
Feijóo alenta a división dos sindicatos da xustiza instando os "máis interesados" na fin da folga en "dar un paso adiante". O presidente da Xunta realizou estas declaracións tras o inicio da acampada do persoal ante San Caetano para reclamar un acordo que permita poñer fin á mobilización, que xa dura 77 días.
