Unha manifestación protestou en Madrid contra a ratificación por parte do Goberno español do Tratado de Libre Comercio UE-Canadá (CETA)
Fálase
-
Pontevedra acolle este sábado varios actos contra a eucaliptización e a permanencia de ENCE e Elnosa na cidade. Ás 12 horas a APDR levou a cabo xunto a ADEGA, a Federación Ecoloxista Galega e Cousa de Raices, unha plantación de eucaliptos na Praza da Ferrería. Ás 19.30 terá lugar a "marcha contra celulosas" con saída simutánea das alamedas de Marín e Pontevedra.
Os traballadores e traballadoras autónomas pagarán 8 euros máis ao mes a partir de xullo, 96 euros máis de cotización ao ano, unha suba do 3%
O prezo do leite pagado aos gandeiros galegos volveu baixar en abril, pasando dos 30,2 céntimos por litro de marzo aos 30 céntimos. O prezo pagado en Galicia está máis dun céntimo por debaixo da media española (31,3)
Un concerto solidario en Chapela (Redondela) recadou fondos para reconstruír a casa de María José Mateo, Sesé, a muller asasinada o pasado mes de febreiro pola súa ex-parella, que fixo estoupar a vivenda
A TVG comeza a rodaxe da que anuncia como "primeira ficción" sobre Rosalía de Castro. Melania Cruz é Rosalía e Fran Lareu fai de Manuel Murguía na miniserie Contou Rosalía.
O TSXG confirma unha sentenza contraria á residencia de maiores SAR Quavitae por non respectar os tempos de descanso do persoal. O alto tribunal tomba o recurso da compañía contra a sentenza en primeira instancia que gañara unha delegada de CCOO. Esta empresa xestiona catro residencias privadas da terceira idade en Galicia e forma parte do grupo Geriatros, que posúe outras 21 en todo o país.
No interior da casa okupada por Escarnio & Maldizer. Unha reportaxe fotográfica recuperada pola revista Pincha percorre o edificio do centro de Santiago antes do desaloxo do pasado martes.
O presidente da Asociación de Empresarios de Sada -Bernardo Valiño- e todo o seu equipo veñen de presentar a súa dimisión, trala polémica xerada pola publicación do artigo "La homosexualidad es pecado" escrito polo tesoureiro da entidade, Eduardo Lorenzo Martínez. Nos últimos días un número importante de socios e socias déronse de baixa da entidade ou amosaron o seu rexeitamento
A xuíza Sandra Piñeiro, o científico Xurxo Mariño e a asociación Ponte nas Ondas, premios Peña Novo á normalización do galego, concedidos pola fundación que leva o nome do histórico galeguista, impulsor do Estatuto do 36 e das primeiras formas organizadas do nacionalismo político no século pasado.
