A atleta lucense Adiaratou Iglesias obtivo a medalla de ouro nos Xogos Paralímpicos de Toquio nos 100 metros T13 (discapacidade visual). Iglesias foi felicitada pola Deputación de Lugo, que a través de Efrén Castro, Deputado de Deportes, destacou que a atleta "acaba de dar unha lección de superación e sacrificio con este ouro do que nos sentimos plenamente orgullosos”
Ordes, Melide e Monforte estarán dende este sábado no nivel máximo de restricións, segundo acordou a Xunta despois da xuntanza do Comité Clínico que asesora á Consellaría de Sanidade. Outros 21 concellos situaranse no nivel alto: Agolada, Arzúa, Lalín, O Pino, Trazo, Curtis, Cee, Cerceda, Muxía, Antas de Ulla, Monterroso, Palas de Rei, Vilalba, A Pastoriza, Castro de Rei, Meira, O Saviñao, A Pobra de Trives, Viana do Bolo, Ares e A Cañiza.
A Comisión Europea anuncia que o 70% da poboación adulta da UE xa ten a pauta completa da vacina contra a COVID. A presidenta, Ursula von der Leyen, aclara que os 27 acadaron o obxectivo fixado a principios de ano para o final do verán. A porcentaxe de persoas maiores de 12 anos coa pauta completa acada o 81,6% en Galicia e o 77,9% no conxunto do Estado Español (74,1% e 69,1%, respectivamente, sobre o total da poboación)
A xustiza condena o Concello da Coruña por vulnerar o dereito de participación polítca da Marea Atlántica. A alcaldesa Inés Rey impediu ao grupo e ao PP debater emendas aos convenios nun pleno do pasado febreiro.
Concellos dun gran número de comarcas de toda Galicia redobran as mobilizacións contra o peche de sucursais bancarias. Nos últimos meses anunciouse a clausura de oficinas en Boiro, Ribeira, Vilagarcia de Arousa, Valga, Forcarei, Cerdedo-Cotobade, Marin, Poio, Portas, Ferrol, Fene, Cerdido, Monfero ou Campo Lameiro (na imaxe), entre outras localidades. Este xoves está convocada unha manifestación ante a sede de Abanca na Coruña, apoiada polos gobernos municipais de Zas, Vimianzo e A Baña.
No acto de inicio do curso político celebrado polo PP na carballeira de San Xusto, en Cerdedo-Cotobade, Alberto Núñez Feijóo pediu "mandar a Pedro Sánchez ao mesmo sitio ao que xa se foi Pablo Iglesias” para conseguir ter un Executivo central "moi diferente ao actual". No acto, Pablo Casado anunciou que Galicia acollerá os traballos previos da Convención Nacional do partido -que se celebrará en outubro en Valencia- e que aquí se iniciará "a redacción das futuras leis" do seu "Goberno".
Liberado Pablo Costas, o mariñeiro de Bueu retido en Iemen dende hai 11 meses baixo a acusación de suposta pesca ilegal. Costas aínda debe saír do país, que se atopa en guerra, polo que aínda non hai data para o seu regreso a Galicia
Nas fins de semana de agosto, Praza.gal non se actualiza por descanso do persoal. Pero deixamos moito para ler e o luns estamos de volta :)
O Sergas abre a autocita para todas as persoas sen vacinar contra a COVID. Dende as 15 horas deste venres poderase solicitar cita a través da páxina web ou da aplicación Sergas Móbil. Os primeiros ocos dispoñibles son para os mozos e mozas de 12 a 19 anos, con 15.000 citas habilitadas para o luns día 30 e outras 10.000 para o martes 31. O venres vacinarase a poboación de maiores de 20 anos, tantas persoas como sexa posible en función das doses que se reciban. A partir de aí, a autocita é aberta para toda a poboación.
España retírase de Afganistán e conclúe a evacuación de colaboradores e as súas familias. O persoal diplomático e militar xa se atopa en Dubai.
