Fálase

O Sergas abre a autocita para todas as persoas sen vacinar contra a COVID. Dende as 15 horas deste venres poderase solicitar cita a través da páxina web ou da aplicación Sergas Móbil. Os primeiros ocos dispoñibles son para os mozos e mozas de 12 a 19 anos, con 15.000 citas habilitadas para o luns día 30 e outras 10.000 para o martes 31. O venres vacinarase a poboación de maiores de 20 anos, tantas persoas como sexa posible en función das doses que se reciban. A partir de aí, a autocita é aberta para toda a poboación.

• O 90% da poboación galega maior de 12 anos ten xa cando menos unha dose da vacina contra a COVID

España retírase de Afganistán e conclúe a evacuación de colaboradores e as súas familias. O persoal diplomático e militar xa se atopa en Dubai.

A Xunta presenta un recurso contra o auto do TSXG que invalidou o certificado COVID para acceder ao interior dos locais de hostalaría. O vicepresidente do Goberno galego, Alfonso Rueda, salienta que a esixencia do certificado COVID era unha "petición dos propios hosteleiros"

• O TSXG acusa a Xunta de "demonizar" a hostalaría co certificado COVID: "Non é idóneo nin eficaz"

O Goberno central prepara os trámites para subir xa o salario mínimo. O Ministerio de Traballo convoca os axentes sociais para debater un incremento desde setembro. 

Extinguido o incendio rexistrado en Ponteceso logo de queimar 118 hectáreas na parroquia de Niñóns, 47 delas arboradas e 71 rasas. 

Goberno central e autonomías acordan manter as medidas pactadas en maio para o vindeiro curso escolar: presencialidade, máscara a partir de 6 anos e distancia de ata 1,2 metros. A Xunta lamenta que o Ministerio non cree un fondo específico para afrontar os sobrecustos da pandemia. 

Máis de 200 veciños e veciñas maniféstanse en Zas contra o peche da oficina de Abanca. A acción, apoiada polo goberno municipal, únese ás que realizan conxuntamente este Concello e mais os de Vimianzo e A Baña, onde o banco anunciou tamén o peche de sucursais. Desde 2008, Galicia perdeu máis da metade das súas oficinas bancarias. 

• Na vila xa non hai banco: a exclusión financeira agrávase en Galicia coa nova vaga de peches de oficinas

A deputación permanente do Parlamento rexeita, cos votos do PP, a comparecencia de Feijóo pola anulación xudicial da esixencia de certificado COVID na hostalaría, tal e como pedía a oposición. 

• O TSXG acusa a Xunta de "demonizar" a hostalaría co certificado COVID: "Non é idóneo nin eficaz"

Competencia detecta que algunhas eléctricas cobran máis do debido pola luz coa nova tarifa por horas. A CNMC advirte que varias comercializadoras facturaron un 30% máis caro o término de enerxía. 

Un incendio en Ponteceso queimou xa 90 hectáreas. O lume, na parroquia de Niñóns, quedou estabilizado na mañá deste martes. Imaxe: Exército do Aire.