Este serán o Concello de Santiago fai oficial o título de alcalde de honra para Ánxel Casal; filla predilecta a Xohana Torres, fillos adoptivos Begoña Caamaño e Federico García Lorca e fillos predilectos, Bibiano e Benedicto
Fálase
-
Máis dunha ducia de persoas detidas en Catalunya coa acusación policial de cortaren vías férreas en mobilizacións independentistas. Entre os detidos están dous alcaldes da CUP, varios activistas e un fotoxornalista.
Moreno Bonilla, elixido presidente da Junta de Andalucía cos votos do PP, Ciudadanos e Vox. No debate de investidura a socialista Susana Díaz reivindicou a súa condición de líder da forza máis votada nas eleccións e anunciou a súa intención de continuar como xefa do primeiro grupo da oposición no Parlamento andaluz. (Imaxe: PP-A)
A píllara das dunas, elixida ave do ano 2019 por SEO/Birdlife. A presión humana sobre as praias vén poñendo en risco a súa presenza en Galicia. (Foto da Sociedade Galega de Historia Natural)
A deseñadora Melania Freire presenta na Madrid Fashion Week a súa colección 'Merquei unha postal de David Hockney' e fala con Vinte dese e doutros proxectos nos que investiga a tradición téxtil do rural galego.
Olvídame, do galego Baiuca xunto a Aliboria, elixido por YouTube Music como un dos temas "imprescindibles" para este 2019.
Alcoa e os sindicatos acadan un preacordo para manter a actividade das plantas seis meses máis na busca dun investidor, pendente do compromiso do Goberno central de asegurar o emprego e da ratificación por parte dos traballadores. O Executivo central valorará o pacto durante esta mañá.
A Cámara dos Comúns rexeita por unha gran maioría: (432 votos contra 202) o acordo de Brexit defendido pola primeira ministra Theresa May que ten agora tres días para presentar unha alternativa. Jeremy Corbyn anuncia que presentará unha moción de censura, que será debatida este mércores.
Concorridas mobilizacións feministas en vilas e cidades galegas esixen non dar "nin un paso atrás" nos dereitos das mulleres. "Non hai pacto posible con quen defenden nas institucións as pretensións dos violentos", advirten en referencia á súa petición dun cordón sanitario das forzas políticas fronte á extrema dereita. Na imaxe, a concentración de Vigo.
As negociacións entre sindicatos e Alcoa continúan arestora no último día antes de que finalice o prazo de negociación do ERE. A empresa estaría disposto a non aplicar os despidos de 500 traballadores, como propuña, pero deixalos pactados de non atoparse un investidor. A multinacional achegaría 12 millóns para o arranque da electrólise se chega un comprador. Foto: CCOO.
