Boris Johnson, ex-ministro e candidato a liderar os Conservadores británicos, láiase de que a conexión a internet sexa máis rápida en "vilas remotas de Galicia" [Galician pueblos, no texto orixinal] que nalgunhas cidades do Reino Unido. Faino nun artigo publicado en The Telegraph que el mesmo vén de divulgar nas súas redes sociais. Os datos máis recentes non concordan coa súa afirmación.
Dimite Álvaro Santos como secretario provincial do PSdeG en Lugo. O tamén edil no goberno da capital lucense abandona o cargo orgánico en vésperas da elección da representación do partido na Deputación e por extensión, da candidatura á presidencia, sobre a que a dirección provincial discrepa da Executiva Nacional do PSdeG, como o propio Santos vén de admitir en rolda de prensa. Máis información, hoxe en Praza.gal
VÍDEO | Samba Sebor, o youtuber da Agra do Orzán que fai vídeos sobre a comunidade senegalesa da Coruña e cuestiona á veciñanza sobre o racismo. Unha reportaxe de Vinte
O número de Estados con permiso de paternidadeaumenta case un 40% en nove anos. Unha información de eldiario.es
A Garda Civil detén varias persoas acusadas de estaren ligadas a sabotaxes violentas en sedes de institucións públicas, partidos e empresas atribuídas a 'Resistencia Galega', entre elas dúas fuxidas dende 2006. Segundo transcendeu, o operativo foi denominado como 'Operación Lusista'.
O Burela gaña a Copa da Raíña de fútbol sala tras vencer na final ao Futsi Atlético. As xogadoras do equipo mariñao impuxéronse 5-6 na quenda de penaltis despois de finalizar o tempo regulamentario con empate a 2 goles. O Burela foi desta volta o conxunto anfitrión do torneo, que se celebrou no pavillón de Vista Alegre da vila da Mariña. (Imaxe: RFEF)
Este mediodía desenvólvese dende Pontevedra e Marín a Marcha contra Celulosas para reclamar a saída de ENCE da ría de Pontevedra. Consulta aquí o máis destacado da mobilización (Imaxe: APDR)
Ada Colau repite como alcaldesa de Barcelona. A líder de Barcelona en Comú foi investida cos votos da súa formación xunto aos do PSC e tres da candidatura de Manuel Valls. ERC, primeira forza o 26M, apostou polo seu candidato, Ernest Maragall. (Imaxe: Ajuntament de Barcelona)
Os pactos con Ciudadanos e Vox permiten ao PP acceder a múltiples alcaldías por todo o Estado, con Madrid como máis destacada. O conservador José Luis Martínez-Almeida foi elixido esta mañá como rexedor madrileño en substitución de Manuela Carmena. (Imaxe. Marta Jara/eldiario.es)
O PP dará a alcaldía de Ourense a Democracia Ourensana a cambio de soster a Baltar na Deputación. Consulta aquí toda a información e o documento asinado por Jácome e Baltar