Anova presenta os seus actos do 25 de xullo baixo o lema República e ruptura. Comezarán o día 24 cunha xornada sobre "unidade popular e procesos constituíntes". No Día Nacional a formación celebra unha romaría no parque compostelán de Galeras que comezará a mediodía coa intervención política do seu portavoz nacional, o tamén vicevoceiro parlamentario de En Marea, Antón Sánchez.
Fálase
Feijóo defende a súa reunión con cargos do Partido Comunista Chinés (na imaxe). “O Goberno de China ten un único partido; nós non votamos en China, temos unha relación co goberno de cada país”. Afirmouno a preguntas da prensa tras a súa recente viaxe ao país asiático.
A Xunta entregará a unha empresa privada a xestión do Monte do Gozo por 41 millóns de euros durante 10 anos, prorrogables por outros 5. O Goberno galego vén de investir outros 1,5 millóns en reparar deficiencias e habilitar piscinas no recinto coa vista posta no vindeiro Xacobeo. Autorizouno o Consello este xoves.
O curso escolar 2017-2018 comezará en Galicia o 11 de setembro en Primaria e o día 15 en ESO, BAC, FP e ensinanzas especiais. Educación vén de publicar o calendario completo.
Portugal dá por controlado o incendio de Pedrógão Grande tras case 5 días e máis de 60 vítimas mortais. A superficie atinxida polas lapas rolda as 20.000 hectáreas. O xornal Público segue a informar ao minuto da evolución dos traballos de extinción.
O PP valora querelarse contra Terra Galega en Coristanco, que denunciou un intento de soborno a unha concelleira, 60 mil euros a cambio de apoiar unha moción de censura para que os populares recuperen a alcaldía
A Confederación Hidrográfica do Miño alerta do perigo de desabastecemento de auga en núcleos pequenos por mor da seca e asegura que o subministro está "garantido" para grandes poboaciones como Lugo, Ourense e Ponferrada. Unha primavera moi seca acrecentou unha situación na que Galicia chega ao verán cos seus encoros un 15% máis baixos do habitual
O Goberno central denuncia o Concello da Coruña pola bandeira republicana da Casa Museo de Casares Quiroga
Ferrol en Común acorda retirarlle as competencias á concelleira Esther Leira, á que pedirán que renuncie á súa acta. A asemblea da formación adoptou esta decisión por maioría tralas declaracións realizadas por esta nos últimos días aos medios
Feijóo di estar "razoablemente satisfeito" da aplicación da lei de dependencia en resposta a Leiceaga, que reprocha o difícil que é acceder a unha praza en residencias públicas. O socialista di que Galicia precisa 3.755 novas prazas para igualar a media estatal mentres a Xunta só promete 900 prazas en sete novas residencias nas sete cidades. O presidente replícalle comparando a situación actual coa do bipartito, cando aínda estaba a comezar a aplicación da lei.