Rajoy advirte de que "o peor para España é unha coalición do PSOE con extremistas". O presidente do Goberno central carga contra as mareas e os socialistas en Soutomaior.
![](https://praza.gal/media/cache/live_image/xornal/uploads/falase/foto/55e3eade9813c-1440969240027.jpg)
Rajoy advirte de que "o peor para España é unha coalición do PSOE con extremistas". O presidente do Goberno central carga contra as mareas e os socialistas en Soutomaior.
Praza.gal non se actualiza nas fins de semana de agosto por descanso do persoal. Lémonos o luns!
Este sábado celébrase en Cumbraos (Monterroso) o Festival Agrogay da Ulloa. A organización lembra que un microbús facilitará cada media hora o desprazamento dende Monterroso á zona do festival.
As eleccións gregas celebraranse o 20 de setembro. Ata esa data dirixirá o país un Goberno interino, como marca a legalidade en caso de dimisión do primeiro ministro. Recólleo eldiario.es
Navantia levou a cabo a botadura do flotel de Pemex, que aínda está por rematar. O buque que se constrúe en Ferrol para a empresa mexicana era un dos compromisos asumidos pola Xunta, que prometera moito máis traballo e encargos dos que finalmente se realizan. Pemex especifica que a construción está ao 65% e que o barco será "concluido e entregado a mediados do vindeiro ano" Foto: @ferrol360
Compromiso por Galicia anuncia a convocatoria dunha convención nacional na que a súa militancia decidirá "a fórmula de concorrencia" do partido ás vindeiras eleccións xerais.
Os alcaldes da Coruña e Santiago participan o vindeiro día 4 no encontro de 'Cidades polo ben común' organizado dende Barcelona en Comú. Nos actos aos que acudirán Xulio Ferreiro e Martiño Noriega participan tamén os rexedores e rexedoras de Badalona, Cádiz, Pamplona, Madrid e Zaragoza.
O Encontro Cidadán por unha Marea Galega remata a elección da súa nova coordinadora. Estará composta por Marilar Aleixandre, Quique Costas, Gonzalo Rodríguez, Miguel Anxo Fernán Vello, Einés Monteagudo, Patricia Carballal e Carmen Santos. Os resultados completos da votación pódense consultar na súa web.
A depuradora de Ferrol non depurou "un só metro cúbico de auga" malia estar teoricamente operativa dende 2014. Vén de anuncialo o goberno local. Recólleo Ferrol 360
Paralizados os traslados ao novo hospital de Vigo, segundo confirman os sindicatos. Máis información, hoxe en Praza.