A asociación Xermolos, de Guitiriz, galardoada co premio Facer País. A distinción, que entrega a asociación Val de Láncara ligada á figura de Ramón Piñeiro, é concedida ao colectivo impulsor do Festival de Pardiñas polo seu traballo de "revitalización" cultural e de impulso de Galicia "como país vivo e esperanzado". A entrega celébrase o 11 de novembro.
A Xunta declara Ben de Interese Cultural (BIC) o mural de Lugrís 'Vista da Coruña 1669'. A obra estaba situada no antigo café Vecchio da Coruña e foi trasladado á sede de Abanca, a poucos metros.
Feijóo afirma que se as eventuais eleccións catalás van ligadas á proclamación da República "o 155 é máis necesario ca nunca". En caso contrario, chama a "deliberar" no Senado sobre a aplicación da intervención da autonomía.
ÚLTIMA HORA | Suspendida a declaración na que se prevía que Puigdemont anunciase eleccións en Catalunya. Tras transcender unha posible comparecencia no Parlament, finalmente producirase na sede da Generalitat durante a tarde, segundo TV3
ÚLTIMA HORA | O BNG mantense na alcaldía de Fene tras suspenderse a moción de censura. A Mesa de Idade alega que non se cumpren as condicións tras o informe da secretaria.
ÚLTIMA HORA | Puigdemont disolverá o Parlament e convocará eleccións en Catalunya. Serían o vindeiro 20 de decembro, segundo anuncian diferentes medios cataláns.
Os operarios das auxiliares de Navantia votan esta mañá se continuar ou non coa folga que supera os 20 días xa.
Puigdemont inclínase por convocar eleccións en Catalunya, segundo avanzan medios cataláns como Ara ou RAC 1. O presidente da Generalitat está reunido co seu gabinete.
Hoxe entra en vigor o groso da Lei de Implantación empresarial, alcumada polos movementos que a rexeitan como 'Lei de Depredación'. Tras a súa publicación no DOG todas as medidas están en marcha agás as relativas aos aproveitamentos madeireiros, que se comezarán a aplicar dentro de seis meses.
EPA | O paro descendeu en 19.800 persoas en Galicia no terceiro trimestre do ano, ata as 181.700, unhas 25.000 menos que hai un ano. A Enquisa de Poboación Activa reflicte que o número de persoas con traballo aumentou en 23.600 persoas e deixa a cifra total en 1,07 millóns, 14.600 máis que no mesmo trimestre de 2016. Máis información, hoxe en Praza.