Alumnado da Coruña e Ferrol prepara novas convocatorias de protesta contra o cambio climático, no marco do movemento internacional Fridays For Future. Será este xoves 25 de abril, cunha manifestación entre o Obelisco e a Praza de María Pita, que lle dá continuidade ás mobilizacións que tiveron lugar o mes pasado. Falamos cun dos voceiros do movemento nesta entrevista
Fálase
Estudantes da Facultade de Ciencias Políticas da USC inician este mércores un peche no centro para alertar das deficiencias que presenta o edificio. Denuncian que eivas na instalación eléctrica "poñen en risco a seguridade" do alumnado ou a "ausencia de espazos de estudos", ademais de criticar o actual sistema de realización de prácticas laborais, "cunha duración desmesurada e sen remuneración económica"
Un incendio arrasa as instalacións das termas da Chavasqueira, en Ourense. Os bombeiros ourensáns, que lograron sufocar as lapas contra as cinco da madrugada, investigan as causas do lume. Non se rexistraron danos persoais. (Imaxe: Bombeiros de Ourense)
Achado o corpo sen vida dunha muller no portal dun edificio en Lugo. Segundo informa o 112, contra as 13:15 foi alertado da aparición dun corpo nun portal da avenida da Coruña, onde "os servizos sanitarios" do 061 "non puideron facer nada por lle salvar a vida". A Policía "trata de esclarecer as causas que arrodean este suceso", indica a Axencia Galega de Emerxencias.
Facebook elimina unha rede de páxinas da extrema dereita española que sumaban 1,7 millóns de seguidores aos que difundían informacións falsas e ataques a diversos líderes de formacións políticas . Está a contalo eldiario.es
O PP ficha o xerente da asociación de hospitais privados de Galicia como 'número 2' da súa lista de Vigo nas eleccións municipais. José Ramón Santamaría foi ata hai uns meses xerente do hospital privado vigués de Fátima, ao que a Xunta desviou pacientes da sanidade pública a través dun concerto. (Imaxe: Fundación Inade)
Abre no salón de plenos do Pazo de María Pita a capela ardente de Joaquín López Menéndez, alcalde da Coruña pola UCD entre 1981 e 1983 falecido o pasado domingo.
28A | A Xunta Electoral Central amplía ata este xoves, día 25, o prazo para enviar o voto por correo e insta a Correos a "extremar a dilixencia" para que os sufraxios cheguen en tempo ás mesas electorais
O presidente e o consello de administración do Deportivo dimiten e convocan unha xunta para escoller nova directiva. Tino Fernández abandona o club nove meses despois de ser ratificado polos accionistas á fronte da entidade.
28A | A Xunta Electoral Central rexeita o recurso co que o PP reclamaba que Casado abrise e pechase o debate electoral de RTVE sen atender ás quendas asignadas por sorteo.