O primeiro ministro irlandés agasalla a Rajoy unha camisola da selección galega de fútbol gaélico. Enda Kenny foi recibido este xoves en La Moncloa.
![](https://praza.gal/media/cache/live_image/xornal/uploads/falase/foto/58779b7700489-c1-pxlyxuaajyau.jpg)
O primeiro ministro irlandés agasalla a Rajoy unha camisola da selección galega de fútbol gaélico. Enda Kenny foi recibido este xoves en La Moncloa.
O columnista que culpou as vítimas de violencia machista das agresións que sofren di padecer "censura" das "feministas radicais". Asegúrao nun novo artigo publicado en Atlántico Diario. Mentres, El Correo Gallego emitiu tras as protestas do Colexio de Xornalistas e varias organizacións unha nota de desculpa e anunciou que non volverá publicar colaboracións de Molares do Val. Como xa fixera co primeiro, Atlántico Diario retirou a publicación na tarde deste xoves.
Unha enquisa de Ciencia Con Futuro, realizada entre 1.429 investigadores e investigadoras españolas, amosa de 7 de cada 10 "considerou nalgunha ocasión abandonar a ciencia", unha proporción maior entre os máis novos e novas. Un 74% afirmou "sentirse desprotexido polo sistema científico español sempre ou case sempre".
José Manuel Dapena dimite como portavoz do PSOE no Concello da Coruña. Vén de renunciar ao cargo sen expoñer as causas da súa marcha dun posto que ocupou en xullo de 2015 tras a renuncia de Mar Barcón.
Catro neurólogos e neurólogas galegas, Francisco Javier López, Santiago Trillo, María Jesús Sobrido e Manuel Arias, nomeados novos coordinadores da Sociedade Española de Neuroloxía, en varias das súas áreas e grupos de traballo.
O goberno da Área Metropolitana de Vigo recorrerá o veto da Xunta e apoia o plan de transporte da cidade fronte ao "boicot" da Administración galega.
O Goberno central prepara un decreto para evitar demandas masivas polas cláusulas solo. As compensacións non tributarán pero os afectados terán que devolver as deducións fiscais realizadas.
Cándido Pazó, veciño de Navia, foi o encargado de ler o manifesto lido ao remate da marcha que esta tarde demandou máis persoal para o centro de saúde deste barrio vigués, cunha situación de saturación que para SOS Sanidade Pública é un "indicador do que está a suceder na Atención Primaria en todo Vigo"
O xuíz arquiva a segunda causa contra os monicrequeiros de Madrid e ratifica que non cometeron delito ningún. Os membros de 'Títeres desde abajo' visitaron Galicia o pasado decembro e reflexionaron sobre a violencia no mundo dos títeres, ademais de relataren a súa propia experiencia, como recolleu Praza.gal nesta reportaxe
"A culpa é delas". Micromachismos recolle como un artigo publicado en varios xornais galegos culpa as vítimas de violencia machista das agresións que sofren. Organizacións feministas como A Buserana, da Costa da Morte, ou Si, hai saída, de Lugo, apelan á "responsabilidade" dos medios de comunicación na loita contra as agresións de xénero e ínstanos a non colaborar na "apoloxía" da mesma, seguindo as recomendacións do Colexio Profesional de Xornalistas de Galicia, que vén de considerar "inaceptable" o contido do artigo. El Correo Gallego, pola súa banda, emitiu unha nota de desculpa e anunciou a "cancelación da colaboración" co autor.