O Parlamento europeo aproba a reforma do copyright, que obrigará as plataformas online a pagar por enlazar ou poñer titulares de medios de comunicación (de forma semellante ao actual canon AEDE en España) e forzará as webs a contar con filtros que detecten ao instante infraccións de dereitos de autor. Esta nova normativa foi denunciada nos últimos meses como un risco para a liberdade de expresión en Internet.
O Consello Consultivo considera nula a compra de dous pisos do Concello da Coruña para destinar a alugueiro social por non se adaptar ás bases do procedemento, unha por falta de altura e outra, por ocos de luz. Adiantouno este mércores La Opinión de A Coruña. Tras transcender o informe, dimitiu a xefa do servizo municipal de Vivenda.
Hoxe comeza o curso en Infantil e Primaria e Magín Blanco celebra a volta ao cole co videoclip de "Este planeta é divertido", unha das cancións deCamiños, o seu último libro-disco.
Carne Cruda emite nestes momentos o programa que o pasado domingo gravou en Bueu, no marco do FICBUEU, e que serviu para abrir a décima tempada deste espazo radiofónico. "Estamos nas marxes, pero non nos sentimos marxinais", dicía Javier Gallego nesta entrevista
Comparece como investigado ante o xuíz do caso Angrois un dos subordinados do xefe de seguridade imputado por homicidio imprudente no accidente. O instrutor sospeita que Andrés Cortabitarte "contou coa colaboración" de Fernando Rebón para omitir medidas de seguridade na curva do sinistro. Para hoxe tamén está citado como testemuña un técnico das empresas instaladoras dos sistemas de seguridade.
A ministra de Sanidade, Carmen Montón, vén de anunciar a súa renuncia polas irregularidades do seu máster. Esta tarde coñeceuse que Montón copiou en 19 páxinas do seu TFM fragmentos de artigos publicados en Internet e non referenciados
VÍDEO | Centos de miles de persoas volven secundar a manifestación soberanista pola Diada Nacional de Catalunya en Barcelona. A xornada estivo marcada pola reivindicación independentista e tamén pola homenaxe aos dirixentes políticos encarcerados. Imaxes de TV3.
Pedro Sánchez desbota a dimisión da ministra de Sanidade polo caso do máster. "Está a facer un gran traballo e vaino seguir facendo", afirmou o presidente do Goberno central na sesión de control no Senado.
As visitas ao Pórtico da Gloria serán de pago e con reserva a partir de novembro. As obras que se acometerán no resto do templo obrigan a illar temporalmente o espazo do Pórtico, ao que se accederá como parte do Museo da Catedral. Nin Xunta nin Cabido comunicaron aínda canto será o custo.
O Goberno central declara a Festa do Albariño de Cambados de Interese Turístico Internacional e a Xunta celébrao cunha foto de Feijóo nas súas contas en Twitter e Facebook.
