Comezan os despedimentos no PP por mor perda de ingresos causada pola derrota nas xerais. Parte do persoal despedido denuncia que o partido pretende minguarlle a indemnización por despedimento tratándoo como eventual malia ser indefinido. Cóntao eldiario.es
Yolanda Díaz participa no nome de Galicia en Común na rolda de consultas co rei para a investidura de Pedro Sánchez. A formación, parte do grupo de Unidas Podemos, avanzou o seu apoio a un goberno "progresista" que, di, non debe ser "monocolor" e concretar "compromisos para Galicia" en materia industrial ou de "infraestruturas ferroviarias", entre outros.
O Congreso decide que as suspensións dos deputados cataláns en prisión conten como catros abstencións, o que facilita a investidura de Sánchez en segunda volta. A Mesa da Cámara asume un informe dos letrados que mantén a maioría absoluta en 176 deputados malia a suspensión dos cataláns. Na segunda votación da investidura, onde o candidato só necesita máis votos a favor que en contra, esas abstencións permitirían a Sánchez volver á Moncloa co apoio de PSOE, Unidas Podemos, PNV e Coalición Canaria sen necesidade dos independentistas.
Oliver Laxe, Benedicta Sánchez e outros membros do equipo d'O que arde, recibidos na residencia oficial de Monte Pío tras o éxito da película no Festival de Cannes. (Imaxe: Ana Varela/Xunta)
A Xunta anuncia un programa de "voluntariado" en festivais de música para mozas e mozos, que recibirán un "bono de acceso" ao evento a cambio dese labor. A Dirección Xeral de Xuventude vén de divulgar as condicións do proxecto xunto ás empresas promotoras destes eventos. Ante as "informacións" sobre a iniciativa, Festivais de Galicia publicou este mércores un comunicado no que subliña que "non proporciona entradas a cambio de traballo".
O CD Lugo culmina a permanencia na Segunda División tras rematar 0-0 fronte ao Tenerife e o Dépor chega ao remate da Liga con opcións de xogar o ascenso á Primeira. (Imaxe: CD Lugo)
A Avogacía do Estado limita a sedición ao 1-O e nega a rebelión: "A violencia estrutural non está probada". Rexeita que Jordi Sànchez e Jordi Cuixart quixesen impedir os rexistros xudiciais do 20 de setembro, como si pensan os fiscais.
A Fiscalía asume a tese de que o proceso soberanista catalán foi un "golpe de Estado" e cualifica a Junqueras de "motor da rebelión". O Ministerio Público expuxo o seu informe final no xuízo contra os líderes independentistas no Supremo. Na imaxe, o fiscal Javier Zaragoza nunha das sesións do xuízo.
A Xunta considera "incompatible" coa "cohesión social" mostrar bandeiras nacionalistas ou co escudo de Castelao nos estadios de fútbol. Así o asegurou o secretario xeral para o Deporte, Lete Lasa, ao responder a unha pregunta do BNG.
Nacen dous exemplares de píllara das dunas, ave do ano 2019, no centro de recuperación de Oleiros. Os dous ovos foron avistados e recollidos en Corrubedo, nunha zona que ía ser alcanzada por mareas vivas, e alí volverán as aves cando medren. A presión humana sobre as praias é outro dos riscos para esta especie en Galicia.
