O Parlamento aproba por unanimidade unha declaración institucional a prol de nomear o aeroporto de Santiago como Rosalía de Castro, como aprobou recentemente o Concello de Santiago. O Ministerio de Fomento, do que depende a infraestrutura, deu o seu visto e prace a pasada semana.
A Plataforma en Defensa do Ensino Público de Galicia convoca folga xeral no sector educativo, dende Infantil ata a Universidade, para o vindeiro 9 de marzo. As entidades que a conforman (Confapa, CC.OO, UGT, SE ou STEG, entre outras) esixen a reversión dos recortes e a derrogación da LOMCE e o diálogo cos axentes sociais para acadar unha nova lei consensuada
Garoña abre o camiño para a ampliación da vida do resto de centrais nucleares en España. Almaraz, a máis grande do Estado, soliciará este ano a renovación para seguir prendida á rede.
Rajoy ofrécese a Trump para mediar entre os EUA, Europa e América Latina. Abordan nun cuarto de hora temas como o Brexit ou a loita contra o Daesh pero obvian o muro de México.
A Audiencia rexeita o recurso de Julio Fernández Gayoso para saír de prisión. Desbota decidir a liberdade do ex-copresidente de Novacaixagalicia e mais do asesor xurídico Ricardo Pradas, encarcerados o pasado xaneiro.
O documental Cociñando na fin do mundo gaña o XXIII Premio Álvaro Cunqueiro de Xornalismo Gastronómico convocado polo Concello de Lalín
O BNG presenta os documentos políticos da súa Asemblea Nacional de marzo coa "aspiración de ser a casa común do nacionalismo". O proceso implica a elaboración duns novos estatutos e unha plan "a cinco anos" denominado 'Estratexia Avanza Galiza', segundo explicaron Goretti Sanmartín e Rubén Cela.
O CIS mantén o PP en cabeza cun nivel idéntico ao das xerais de xuño do pasado ano e lixeiras variacións no resto de grupos
A RAG incorpora ao seu arquivo en liña todos os retratos de Rosalía de Castro que conserva. Con estas incorporacións medra o catálogo de documentos dixitalizados que a Real Academia Galega sumou ao Arquivo Dixital de Galicia.
O Concello de Ferrol pide que os medios públicos reabran as súas delegacións na cidade. Cóntao Ferrol 360