Ada Colau di que "a reforma constitucional non pode ser escusa para non buscar un referendo pactado" en Catalunya. Asegúrao nunha entrevista en eldiario.es.
![](https://praza.gal/media/cache/live_image/xornal/uploads/falase/foto/59e31fcba5d01-ada.jpg)
Ada Colau di que "a reforma constitucional non pode ser escusa para non buscar un referendo pactado" en Catalunya. Asegúrao nunha entrevista en eldiario.es.
A CUP esixe a Puigdemont que diga "nidiamente" que declarou a independencia. Albiol (PP) quere aproveitar o artigo 155 para mudar o sistema de ensino catalán e o papel dos Mossos.
Navantia atribúe á CIG os "danos e prexuízos" pola folga e anuncia "todas as accións legais necesarias"
Pedro Sánchez pide "abrir o debate de como Catalunya queda en España" e aposta por "eleccións" autonómicas. O líder do PSOE asegura que a aplicación do artigo 155 depende de Puigdemont. Fala nunha entrevista en eldiario.es.
A presidenta da Deputación de Pontevedra insta a Rueda a aclarar se "hai un documento asinado" con garantía de "investimentos da Xunta" en Tui se triunfa a moción de censura na que o PP dará a alcaldía a Converxencia XXI, con dous edís. A xuízo de Carmela Silva, Rueda é "a man que mece o berce" nestas operacións e é "o peor herdeiro de Rafael Louzán", cos seus "mesmos métodos".
O Concello de Sada logra a aprobación do seu plan de urbanismo por primeira vez na súa historia. O Goberno local -Sadamaioría, PSdeG e BNG- ratificou este venres a luz verde definitiva da Xunta ao seu PXOM, que acumulaba 10 anos de trámites, e "supera" as normas provisionais do ano 2006. Entre os primeiros obxectivos, avanzan, figura a ampliación do CEIP de Sada, expropiar terreos para crear espazos libres nas Brañas ou o plan especial do Pazo de Meirás.
O Goberno de Cantabria pagou 115.000 euros por publicacións de Enrique Iglesias nas redes sociais dous anos despois de que a Xunta financiase un vídeo de artista con máis de 300.000 euros e xustificase a achega por motivos de promoción turística.
Mariano, contigo empezou todo. O xornalista Anxo Lugilde analiza nesta crónica dende Barcelona a situación catalá para os xornais do grupo El Progreso.
Goberno de España e PSOE traballan cunhas novas eleccións en Catalunya como escenario máis probable con ou sen aplicación total do artigo 155 da Constitución, cuxa activación decidiu Rajoy o pasado mércores.
Estados Unidos anuncia a súa saída da UNESCO polo seu "continuado sesgo anti Israel", segundo o Goberno norteamericano. En outubro de 2012, a organización aprobou a incorporación de Palestina como membro de pleno dereito. A directora xeral da UNESCO, Irinia Bukova, lamentou a decisión e fixo unha defensa do multilateralismo. Washington xa se retirara da institución en 1984, en protesta polo Informe McBride, regresando en 2003.