Ourense acolleu a presentación en Galicia do manifesto Nin un paso atrás, impulsado por un cento de colectivos feministas de todo o Estado. O texto critica as negociacións de PP e Ciudadanos con VOX e subliña que "non hai pacto posible con quenes defenden nas institucións as pretensións dos violentos". Este martes Núñez Feijoo defendeu “as políticas contra a violencia machista” fronte ao dobre discurso da dirección do PP.
Arquivada a querela contra os Mossos d'Esquadra por suposta espionaxe a políticos. O xuíz tamén desbota que a incineración de documentación por parte da policía catalá tivese motivacións políticas.
Alcoa propón parar o proceso de electrólise nas plantas da Coruña e Avilés de forma que poidan volver arrancar de haber un comprador. Asegura que esa é a súa resposta á petición da ministra de Industria para que paralicen o ERE e dean seis meses de prazo na busca de alternativas ao peche.
VÍDEO As Brigantias da Coruña son as pioneiras galegas do Roller Derby, un deporte de contacto a patíns que vive un rexurdimento mundial da man do movemento riot grrrl. Vinte visitounas nun adestramento, onde explicaron a orixe do equipo e o seu xeito de vivir este deporte, practicado cada vez por máis mulleres por todo o mundo.
Fomento aproba inicialmente o trazado da conexión na entrada da Coruña da AP-9 coa Terceira Rolda e elixe a alternativa máis barata, de 25 millóns de euros, a denominada Alternativa 01 Norte. As outras tres alternativas, de entre 37 e 63 millóns, que incluían un túnel ou un viaduto, descartáronse por ter maior impacto ambiental.
A Real Academia Galega de Ciencias premia o traballo do equipo científico galego e vasco que logrou reducir nun 80% a metástase do cancro de colon cara ao fígado. Este traballo é distinguido co Premio de Investigación 2018 da RAGC, que será entregado o día 23 deste mes.
Vox esixe ao PP que renuncie á autonomía andaluza para apoiar a investidura do seu candidato a presidir a Junta. A ultradereita pide a devolución de competencias en Sanidade, Educación e Xustiza ao Estado
Persoal de Alcoa da Coruña e de Avilés concéntranse esta mañá fronte ao Ministerio de Industria en Madrid para reclamar ao Goberno central unha solución que evite o peche das fábricas. Executivo e multinacional vólvense reunir na busca dunha alternativa. Máis información, hoxe en Praza.gal.
Falece o historiador coruñés Juan Hernández Les, profesor de múltiplas promocións da Facultade de Ciencias de Comunicación da Universidade de Santiago experto en historia do cinema. A USC transmite as súas condolencias á familia de Hernández Les, quen escribiu o pasado 4 de xaneiro o seu derradeiro artigo no blog que editaba dende hai máis dunha década. (Fonte da imaxe)
Neofalantes en Twitter: "O meu propósito deste ano é falar galego". Vinte recolle os propósitos a prol de empregar máis a lingua galega que percorren as redes sociais nos primeiros días do 2019.
