Puigdemont planea quedar indefinidamente en Bélxica e buscar fórmulas de delegar a presidencia, destaca eldiario.es na súa portada, na que sinala que o president cesado tentará primeiro un acordo con Rajoy para volver ser investido evitando entrar en prisión a cambio de renunciar á vía unilateral
Ás 18.30 comezará en Riazor o Dépor-Celta. Celebramos #ONosoDerbi pedíndolles á celtista Carmen Méndez e ao deportivista Xosé A. Touriñán que nos digan como viven este día. Ademais, imos quentando motores lembrando os 12 mellores derbis da historia e tamén unha ducia de xogadores que vestiron as cores dos dous equipos. E, ademais, viaxamos ata Vilalba (onte noticia polo Gordo), onde están as sedes das dúas peñas máis antigas de celestes e branquiazuis. Podes ver aquí o vídeo que gravamos con eles hai uns anos.
A Deputación da Coruña tamén aproba unha moción contra a mina de Touro cos votos favorables do BNG, Marea Altlántica, Compostela Aberta e Alternativa dos Veciños e a abstención de PSOE e PP.
O Concello de Santiago tamén rexeita o proxecto para a megamina en Touro. A moción presentada polo BNG foi apoiada polo PSOE e Compostela Aberta, quedando aprobada coa abstención do PP.
O Constitucional anula a indemnización de 1.350 millóns de euros a ACS e os seus socios polo frustrado almacén de gas Castor. O tribunal considera que non concorría unha “situación de extraordinaria e urxente necesidade” que xustificase aprobar un decreto lei para “atribuír novas obrigas de pago ao sistema gasista”.
ÚLTIMA HORA | O Gordo da Lotaría de Nadal cae en Vilalba. O 71.198, dotado con 400.000 euros ao décimo, foi vendido en gran parte na administración da céntrica rúa da Pravia. Aquí ampliamos a información.
Anna Gabriel, Marta Rovira, Artur Mas ou Miria Boya, imputados polo Supremo na causa por rebelión. A Garda Civil responsabilízaos de "deseñar, orientar dirixir e controlar" os plans para crear "un Estado soberano".
O Supremo imputa a Marta Rovira e Mas na causa por rebelión. A xuíza Llarena aumenta os investigados na causa co informe da Garda Civil.
Xa está en marcha a Lotaría de Nadal. Podes seguir en directo a súa retransmisión e os principais premios neste enlace.
A CIG denuncia as baixas temperaturas no Edificio Administrativo da Xunta de Galicia en Lugo, de ata 14 graos no interior das oficinas, que obriga os traballadores e traballadoras a usar radiadores. A temperatura mínima para centros de traballo fixado pola normativa sitúase nos 17 graos.
